| e-texts navigator |
| Wylie |
39a1 འབྱམས་ན།། གཡོ་ཞིང་བསྐྱོད་པའི་ཆོས་རྣམས་ཀུན།། རང་བྱུང་སྤྲུལ་པ་བསམ་ཡས་ཀྱིས།། བྱ་བྱེད་མེད་པའི་འཕྲིན་ལས་ཕུལ།། མི་དམིགས་བྱམས་པ་ཆེན་པོ་སྟེ།། མཐའ་ཡས་ཐུགས་རྗེ་ཆེན་པོ
39a2 ཡིན།། རབ་འབྱམས་བདེ་ལ་དགའ་བ་སྟེ།། སྟོང་ཉིད་གསལ་བ་བཏང་སྙོམས་སོ།། གསང་སྔགས་ཆེན་པོའི་ཁྱད་པར་ནི།། རང་རིག་རྒྱལ་བའི་ཐུགས་རྗེ་ཡིས།། བག་ཆགས་རྡུལ་དུ་རློག་པ་དང་།། མཚན་མ་ཟིལ
39a3 གྱིས་གནོན་པ་ནི།། ཁྱུད་ཆེན་མཁའ་ལ་ཐོགས་མེད་པས།། སྟེང་འོག་རིམ་གྱིས་མི་བགྲོས་དེ།། སྣང་བ་དུས་གཅིག་གསལ་བ་ནི།། སྐྱེ་འགྲོ་འདུལ་བའི་གཉེན་པོ་ཡིན།། སེང་གེའི་སྐད་ལ་འཇིགས་མེད་པ།། གཅན
39a4 གཟན་རིམ་གྱིས་མི་འདུལ་ཏེ།། གཞན་གྱིས་རྩོལ་པས་མི་ཆུད་པས།། དུད་འགྲོ་འདུལ་བའི་གཉེན་པོ་ཡིན།། རང་བཞིན་གསལ་བའི་བྱང་ཆུབ་སེམས།། རྒྱུ་འབྲས་རིམ་གྱིས་མི་བགྲོད་དེ།། བདེ་ཆེན་མཁའ་ལ་ཐོགས
39a5 མེད་པས།། རྣམ་རྟོག་སྒྲོལ་བའི་གཉེན་པོ་ཡིན།། བྱང་ཆུབ་སེམས་མི་འགྱུར་བའི་རྡོ་རྗེ་ཐུགས་རྗེ་ཆེན་པོའི་འོད། གནམ་སྦར་འདེབས་རྫོགས་སོ།། །། བཅོམ་ལྡན་འདས་བདེ་ཆེན་རྫོགས་པའི་ཀློང་ལ་ཕྱག་འཚལ
39a6 ལོ།། བྱང་ཆུབ་སེམས་ནི་ཀུན་ཏུ་བཟང་།། བདག་དང་གཞན་དོན་གནས་མེད་པས། ལྷུན་གྱི་རྫོགས་པའི་ངང་ཉིད་ལ།། སྐྱེ་དང་འཆི་མེད་འགྱུར་བའི་ཆོས་མེད་དོ།། དག་པས་བདུད་རྩི་ཆེན་པོ་ཡང་།། མི་འགྱུར
iiif viewer powered by OpenSeadragon
