| e-texts navigator |
| Wylie |
38b1 རྒྱས་གཞན་ན་མེད།། མཉམ་ཉིད་ནམ་མཁའ་ལྟ་བུའི་རང་བཞིན་ལས།། སྣ་ཚོགས་མཚན་མ་རྡུལ་དུ་བརླག་པའི་ཕྱིར།། ཕྱག་རྒྱའི་ཚོགས་ཀྱང་བསྐལ་པའི་མེ་ལྟར་འབར།། ཡེ་ནས་ལྷུན་གྱིས་གྲུབ་པའི་རང་བཞིན
38b2 ལས།། རྩོལ་བའི་སྡུག་བསྔལ་རྒྱ་མཚོའི་རླབས་དང་འདྲ།། ཆོས་སོ་ཅོག་གི་ངོ་བོ་ཉིད།། མ་བཙལ་གཞག་པས་རྡུལ་དུ་བརླག། ཐམས་ཅད་བདག་ཉིད་རང་གི་ལྷ།། དཀྱིལ་འཁོར་ཀུན་ཏུ་ཞུགས་པ་ལ།། དུས་གསུམ
38b3 མཉམ་སྦྱོར་འབྱུང་འཇུག་མེད།། མ་བཙལ་ལྷུན་གྱིས་གྲུབ་པར་འགྱུར།། ཕྱི་ནང་སྤྱོད་ཡུལ་མ་ལུས་པ།། མཉམ་དག་ལྷུན་གྱིས་གྲུབ་པ་ལ།། དུས་གསུམ་མཉམ་པར་གཞག་པ་ནི།། བཅིང་དུ་མེད་པའི་ཕྱག་རྒྱ
38b4 ཡིན།། མི་ཕྱེད་ཐིག་ལེར་གཅིག་པ་ལ།། དུས་གསུམ་འབྱུང་འཇུག་མེད་པ་ནི།། སངས་རྒྱས་ཀུན་དང་མཉམ་པའི་ཕྱིར།། བསྲུང་དུ་མེད་པའི་དམ་ཚིག་མཆོག། ཁམས་གསུམ་ངོ་བོ་རང་རིག་དབྱིངས།། ཕྱོགས་བཅུ་རྒྱ
38b5 དང་བྲལ་བ་ཡི།། བཅོས་པ་མེད་པའི་འཁོར་ལོ་ལ།། མ་བཀོད་ཤར་བའི་དཀྱིལ་འཁོར་མཆོག། ཐམས་ཅད་མངོན་སུམ་ཤར་བ་ཡང་།། བྱིན་རླབས་མཐུ་ལ་མི་ལྟོས་པར།། ཡིད་བཞིན་ལྷུན་གྱིས་གྲུབ་པ་ནི།། བསྔོ
38b6 དང་བྲལ་བས་མཆོད་པའི་མཆོག། རྟོག་པའི་རྒྱལ་མཚན་ཤར་བའི་ཕྱིར།། ཐམས་ཅད་ངོ་བོ་བདག་ཉིད་སྐུ།། དོན་ལ་རིམ་པས་མི་འགྲུབ་པས།། ཐོག་པ་མེད་པ་དབང་གི་མཆོག། ཕྱོགས་བཅུའི་འཇིག་རྟེན་རབ
iiif viewer powered by OpenSeadragon
