| e-texts navigator |
| Wylie |
38a1 པའི་ཡུལ་ལ་འཛིན་པའི་གནས་མེད་པས།། སྒོམ་བཅས་དེ་དག་འཛིན་པའི་སྡུག་བསྔལ་ཡིན།། སྒོམ་པའི་གནས་མེད་རིག་པ་རང་དབང་ན།། བསྒོམས་ཀྱང་སྐྱོན་མེད་ཐམས་ཅད་ནམ་མཁའི
38a2 ཀློང་།། གང་ཡང་མ་བཀོལ་ཀུན་གྱི་རེ་བ་ཀློང་།། མཉམ་པ་ཉིད་ཀྱི་མན་ངག་གཏེར་ཆེན་གྱིས།། ཀུན་ལ་ཁྱབ་ཅིང་ཐམས་ཅད་རང་རྫོགས།། དེ་ལ་ཆ་ཤས་རིམ་པས་བཟའ་བ་མེད།། ཡེ་ནས་བདུད་རྩི་ཆེན་པོ་ཡིན་པ
38a3 ལ།། གཞན་ནས་བཙལ་བས་འགྲུབ་པར་མི་འགྱུར་ཞིང་།། མ་བཙལ་ལྷུན་གྱིས་གྲུབ་པའི་དབྱིངས་འགྱུར་ལ།། རྣམ་པ་ཀུན་ཏུ་ཆེ་བས་བྱང་ཆུབ་ལམ།། ཐམས་ཅད་དགོངས་སྤྱོད་ཡེ་ནས་དག་པ་ལ།། འཁྲུལ་དང་མ
38a4 འཁྲུལ་ཅིས་ཀྱང་ཉམས་པ་མེད།། ཐམས་ཅད་འདུས་ཏེ་ཙིར་ཡང་མི་སྣང་བས།། དུས་གསུམ་རྒྱལ་བའི་དགོངས་པ་དེ་ན་གསལ།། བྱང་ཆུབ་ཀྱི་སེམས་ཀུན་འདུས་རྫོགས་སོ།། །
38a5 བཅོམ་ལྡན་འདས་རྡོ་རྗེ་བསྐལ་པའི་བདག་པོ་ལ་ཕྱག་འཚལ་ལོ།། སྲིད་བར་བཅས་པའི་འཇིགས་རྟེན་དང་།། ཐུགས་རྗེར་བཅས་པའི་ཕོ་བྲང་ཀུན།། སྤྲུལ་པའི་འཁོར་ལོ་འོད་འབར་བའང་།། མངོན་སུམ
38a6 སངས་རྒྱས་མཁའ་ལ་ཤར།། ཕྱོགས་བཅུའི་འཇིག་རྟེན་མང་པོ་ནས།། སྤྱན་དྲངས་ལ་སོགས་རྩོལ་བའི་གནད།། བདེ་བ་གསལ་བའི་ཐིག་ལེ་ལས།། སངས་རྒྱས་གཞན་དུ་མི་རྩོལ་ལོ།། སེམས་དང་ཆོས་ལས་སངས
iiif viewer powered by OpenSeadragon
