| e-texts navigator |
| Wylie |
37b1 རྒྱ་གར་སྐད་དུ། སརྦ་ཨ་ཏ། བོད་སྐད་དུ། ཀུན་འདུས། བཅོམ་ལྡན་འདས་བྱ་བྲལ་བདེ་བའི་ངང་ལ་ཕྱག་འཚལ་ལོ།། ཆོས་སྐུ་ཡེ་ནས་རྣམ་པར་རབ་དབེན་པའི།། རྣམ་རྟོག་བླ་དགས་ཡུལ་ལས་འདས
37b2 པའི་ཕྱིར།། ཡོད་མེད་སྟོང་པའི་མཐའ་ནི་དབྱིངས་སུ་གཅིག། དབྱིངས་ཉིད་གཅིག་ལ་ལྟ་བའི་ཁྱད་པར་དགུར་སྣང་སྟེ།། སྣང་འདོད་རྩོལ་བའི་སེམས་ནི་སྡུག་བསྔལ་ནད།། ཆོས་ཉིད་དང་གི་གནས་པའི་རང་བཞིན
37b3 ལས།། ཐུགས་རྗེ་ཆེན་པོའི་མཁའ་ལྟར་ཁྱབ་པ་ནི།། ཐབས་ཀྱིས་རོལ་པས་འདོད་དགུར་བསྒྱུར་བའི་དཔལ།། ཆོས་རྣམས་སྣ་ཚོགས་ཇི་བཞིན་སྣང་བ་ལས།། ཐ་སྙད་ཐམས་ཅད་བྱང་ཆུབ་མཆོག་གི་ལམ།། སྙིང་པོ
37b4 བྱང་ཆུབ་མཆོག་ཏུ་ངེས་པ་ལས།། གཟུང་འཛིན་བགྲོད་པའི་ཡུལ་ནི་ག་ལ་ཡོད།། ཐ་སྙད་ཙམ་དུ་འདུ་ཤེས་བྱ་མོད་ཀྱི།། དམ་དུ་བཅས་པའི་ཡུལ་ཡང་རྡུལ་ཙམ་མེད།། དམ་དུ་བཅས་པའི་ཡུལ་མེད་གསལ་བ
37b5 ན།། དམ་དུ་བཅས་ཀྱང་ཡུལ་མེད་ནམ་མཁའ་འདྲ།། འདོད་དགུར་སྦྱར་བའི་སྙིང་རྗེ་ཐབས་ཆེན་ལ།། བསམ་དགུ་ལྷུན་གྱིས་གྲུབ་པར་བྱེད་པ་ཡང་།། ཡེ་ཤེས་ཀློང་དུ་ཤར་བའི་རྣལ་འབྱོར་པས།། ས་མཆོག་འདི་ནི་མ
37b6 བསྒྲུབས་ལྷུན་གྱིས་གྲུབ།། བག་ལ་ཉལ་བའི་སྐྱོན་རྣམས་མ་ལུས་ཀུན།། ཡེ་ཤེས་འོད་གསལ་རང་ལ་ཤར་བའི་ཕྱིར།། ཐེག་ཆེན་འདི་ནི་མཁའ་ལ་ཉི་ཤར་བཞིན།། མཐའ་ཡི་མུན་པ་མེད་པར་ཡེ་ནས་གསལ།། སྒོམ
iiif viewer powered by OpenSeadragon
