| e-texts navigator |
| Wylie |
37a1 གསལ།། འགྱུར་བ་མེད་པས་ལྟ་བ་བལ་ནག་སྟེ།། ཅིར་ཡང་འགྱུར་བས་ཐུགས་རྗེ་བལ་དཀར་བཞིན།། བརྟགས་ན་ཐམས་ཅད་བལ་ནག་ཉིད་ཀྱི་དབྱིངས།། ལྷུན་གྱི་གནས་པས་ལྟ་བའི་གོ་འཕང
37a2 གཅོད།། གདོད་ནས་དག་པས་སྲིད་པའི་པདྨ་བཞིན།། འགྱུར་བ་མེད་པས་ཐིག་ལེའི་དབྱིངས་ན་བདེ།། བྱ་བ་མེད་པས་ཐམས་ཅད་ཀུན་ལ་འཇམ།། དུས་གསུམ་མེད་པས་ཐིག་ལེ་ཉིད་དུ་འབྱམ།། ཡེ་ནས་སྙིང་པོ
37a3 བཙལ་དུ་མེད་པ་ལ།། བཙལ་བའི་བསམ་པས་དོན་དམ་དབྱིངས་མི་བསྐྱོད།། དྲ་བ་ཉིད་པས་མུ་ཁྱུད་ཕྱོགས་བཅུར་བདེ།། ཐིག་ལེ་ཉིད་པས་ཐིག་ཕྲན་དགུ་ལ་བདེ།། རྩེ་རྒྱལ་རྟོགས་ན་གྲུབ་པའི་གནས་ཆེན
37a4 བདེ།། ཐིག་ལེ་ཡེ་ནས་བདེ་བའི་རྡོ་རྗེའི་དབྱིངས།། ཐོགས་མེད་ཡོངས་སུ་སྦྱང་བའི་བྷ་ག་ལ།། དབྱེར་མེད་ལྷུན་རྫོགས་ཐིག་ལེ་དབྱིངས་ཉིད་ཆེ།། སྐུ་གསུང་ཐུགས་ཤར་མུ་ཁྱུད་དཀྱིལ་འཁོར་བདེ།། རྣམ་པར་དག
37a5 པས་བདེ་བའི་བྱང་ཆུབ་སྒྲ།། འགྲོ་བའི་ལམ་ཆེན་མཁའ་དབྱིངས་དག་པ་ལ།། ཐིག་ལེ་ཡེ་ནས་བདེ་བ་རྡོ་རྗེའི་དབྱིངས།། རྡོ་རྗེ་ཉི་མ་དུས་གསུམ་འདུ་འབྲལ་མེད།། དེ་བས་ཐིག་ལེ་ཐམས་ཅད་རྡོ་རྗེའི
37a6 དབྱིངས།། བརྡལ་པ་ཉིད་ན་དུས་གསུམ་འདུ་འབྲལ་མེད།། བྱང་ཆུབ་སེམས་ནི་ཡེ་ནས་གསལ་བའི་ཕྱིར།། ཀློང་གི་དཀྱིལ་འཁོར་ཆེན་པོ་བདེ་འཇམ་རྫོགས་སོ།། །།
iiif viewer powered by OpenSeadragon
