| e-texts navigator |
| Wylie |
36a1 མངོན་དུ་རྙེད་པ་དཀའ་འོ།། རྟོག་གེ་སྤྱོད་ཡུལ་འཁྲུལ་ལས་ཤེས་མི་ནུས།། བསྐྱོད་དང་མི་བསྐྱོད་རྟོག་པ་མེད་པ་ནི།། མཚན་ཉིད་ནམ་མཁའ་ལས་ཀྱང་འདས་པའོ།། ཡེ་ནས་ལྷུན་གྱིས་གྲུབ་པའི་ཐབས
36a2 ཆེན་ལ།། རྒྱུ་བཅོས་རྟོག་པས་གྲུབ་པར་མི་འགྱུར་ཏེ།། སྤྱོད་པའི་སྒོ་དང་མཐའ་ལས་འདས་པ་ལ།། ལོག་རྟོག་འཁྲུལ་པས་བསྲུང་དུ་ག་ལ་ཡོད།། མཚན་ཉིད་མེད་པའི་ཐིག་ལེ་ཆེན་པོ་ནི།། སྤྲུལ་པ་སྒྱུ་མ་ཙམ་དུ་སྣང
36a3 བ་ཡང་།། ཆོས་ཉིད་དབྱིངས་ལས་དབྱེ་བསལ་མི་འཇུག་པས།། སྒྱུ་མའི་ལམ་དུ་རྒྱལ་བས་ཡོངས་མ་བསྔགས།། མི་གནས་ཆོས་སྐུ་བརྗོད་ལས་འདས་པ་ནི།། དབུ་མ་ཙམ་དུའང་ཡེ་ནས་མི་གནས་པས།། དེ་བཞིན
36a4 བདེ་བའི་ཡེ་ཤེས་མཐའ་ཀླགས་ཀྱང་།། སྣང་དང་བརྗོད་པའི་མཐའ་ལས་འདས་པའོ།། བྱང་ཆུབ་སེམས་ནམ་མཁའི་རྒྱལ་པོ་རྫོགས་སོ།། །། @#།། རྒྱ་གར་སྐད་དུ། མཉྫུ་སུ་ཁ། བོད་སྐད་དུ། བདེ་འཇམ།
36a5 བཅོམ་ལྡན་འདས་རྡོ་རྗེ་བདེ་བ་ཆེན་པོ་ལ་ཕྱག་འཚལ་ལོ།། བདེ་འཇམ་དབྱིངས་ཕྱུག་སྡུག་བསྔལ་བྷ་ག་ལ།། དབྱེར་མེད་ལྷུན་རྫོགས་ཐིག་ལ་དབྱིང་ཉིད་ཆེ།། བསྐྱོད་པ་མི་མངའ་ཡེ་ནས་རིན་པོ་ཆེ།། བྱ་བ་མེད་པར
36a6 ལྷུན་རྫོགས་ཐིག་ལེ་ཆེ།། ཐམས་ཅད་མ་བཀག་དབྱེར་མེད་བདག་ཉིད་ཆེ།། སྐྱེ་མེད་དབྱིངས་ལས་ཐམས་ཅད་འགགས་ཤིང་།། དུས་གསུམ་འདུ་འབྲལ་མེད་པའི་གསལ་བ་ཡང་།། དོན་དམ་ཀློང་དུ་གྱུར་པས་སེམས
iiif viewer powered by OpenSeadragon
