| e-texts navigator |
| Wylie |
35b1 བདག་ཉིད་རྡོ་རྗེ་སེམས་དཔའ་ཆེ།། ལྟ་བ་འདི་མེད་སྤྱོད་པ་སྒྱུ་མས་བཅིངས།། ཕྱིན་ཅི་ལོག་དང་མ་ལོག་བྱང་ཆུབ་སྟེ།། རྣམ་རྟོག་གཉིས་ཀྱི་མཐའ་ལས་འདས་པ་ནི།། བསམ་དང་བྲལ་བའི་བྱང་ཆུབ་སེམས་ཆེན
35b2 པོ།། ནམ་མཁའ་ལྟ་བུའི་བྱང་ཆུབ་སེམས་ཉིད་ནི།། ཡོད་མེད་དབུ་མར་མི་དམིགས་བརྗོད་དུ་མེད།། ནམ་མཁའ་ཙམ་དུའང་བརྗོད་དུ་མེད་པ་ལ།། ཚིག་དང་ནམ་མཁའ་སུ་ཡིས་ཚིག་ཏུ་བརྗོད།། སེམས་དང་ཚིག
35b3 ལས་འདས་པའི་སྦྱོར་བ་ནི།། མངོན་སུམ་མི་གནས་ཡེ་ནས་སྟོང་པས་དབེན།། ཡེ་ཤེས་དེ་ཉིད་ཀུན་ཏུ་གསལ་བ་ན།། ཐམས་ཅད་རྣམ་པར་དག་པར་གཅིག་པའི་ཕྱིར།། ལས་དང་མཚན་ཉིད་སོ་སོར་མ་ངེས
35b4 པས།། གཅིག་དང་དུ་མའི་མཐའ་ལས་འདས་པའོ།། ཆོས་ཀྱི་དབྱིངས་ཉིད་ཡུལ་ལས་འདས་མོད་ཀྱང་།། འཛིན་པ་མེད་པའི་མཚན་ཉིད་ཀུན་ལ་བཀྲ།། གཟུགས་ཀྱི་མཚན་ཉིད་ཡེ་ནས་མཐོང་བ་གང་།། རྟོག་པའི
35b5 མཚན་ཉིད་མེད་ན་དམིགས་པ་གང་།། གཞའ་ཚོན་སྒྱུ་མས་འཕགས་པའི་སྐུ་བསྐྱེད་དེ།། བསྟི་གནས་སྒྱུ་མས་རེ་བའི་རྩོལ་བ་ཡང་།། རྣམ་དག་ལམ་ཆེན་ལྷུན་གྱིས་གྲུབ་པ་ལ།། བསོད་ནམས་མེད་ཀྱང་འགྲུབ་ཅེས
35b6 རྒྱལ་བས་གསུངས།། ཆོས་ཀྱི་དབྱིངས་ནི་མི་བསྐྱོད་གནས་ཆེ་བ།། ཀུན་ལ་ཁྱབ་པས་སྒྲ་མེད་ཚིག་ལས་འདས།། སྤྲུལ་པ་མང་པོ་རྒྱ་མཚོའི་ཚོགས་ཆེན་གྱིས།། བྱ་མེད་དོན་ལས་རྡུལ་ཙམ་བསྐྱོད་མི་ནུས།། ཞི་ལ་ཕྲ་སྟེ།
iiif viewer powered by OpenSeadragon
