| e-texts navigator |
| Wylie |
34a1 དབང་ཐོབ་པ་ཡིས།། ཐམས་ཅད་ཟིལ་གྱིས་གནོན་པ་ཡང་།། གཟེར་བུ་ཉི་ཤུ་རྩ་ལྔ་སྟེ།། མི་འགྱུར་མངོན་དུ་ཤར་བ་ཡང་།། ཀུན་ལ་ཁྱབ་ཅིང་ཐམས་ཅད་སྣུམ།། ངོ་བོ་ཉིད་ནི་དབྱེར་མེད་ཀྱང་།། འཁྲུལ
34a2 པ་རྣམས་ལ་མི་སྣང་བས།། ཡང་གསང་ཐུགས་ཀྱི་གཏེར་ཆེན་འདི།། ཕལ་ལ་སྤྲོ་བར་མ་གསུངས་སོ།། བྱང་ཆུབ་ཀྱི་སེམས་མི་འགྱུར་བའི་ཐིག་ལེ་ཏིག་རྫོགས་སོ།། །། @#།། བཅོམ་ལྡན་འདས་དཔལ་ཀུན་ཏུ
34a3 བཟང་པོ་ལ་ཕྱག་འཚལ་ལོ།། ནམ་མཁའི་རྒྱལ་པོ་ཡེ་ཤེས་ཆོས་ཀྱི་སྐུ།། སེམས་ཉིད་ཆོས་སུ་འགྱུར་བས་བདེ་བ་སྟེ།། ཆོས་ཉིད་བསམ་དུ་མེད་པས་ནམ་མཁའ་ཆེ།། ནམ་མཁའ་བསམ་དུ་མེད་པས་རྒྱལ་བའི
34a4 བདག། བསམ་དུ་མེད་པའི་ནམ་མཁའ་དེ་ཉིད་ལས།། མི་དམིགས་རྒྱལ་བའི་དགོངས་པ་རང་ལ་ཤར།། ནམ་མཁའ་མཚན་ཉིད་ཀུན་ལས་འདས་པ་ནི།། ནམ་མཁའ་ལ་ཡང་ནམ་མཁའ་བརྗོད་དུ་མེད།། ནམ་མཁའ
34a5 དེ་ཉིད་བསྒོམ་དུ་མེད་པ་ནི།། མི་བརྗོད་བསམ་དུ་མེད་པ་བསྒོམ་པ་སྟེ།། བརྗོད་དང་བསམ་པ་ཀུན་ལས་འདས་པ་ནི།། དུས་གསུམ་རྒྱལ་བའི་དགོངས་པ་དེ་ཉིད་ཡིན།། ནམ་མཁའ་ལུས་མེད་ནམ་མཁའ་སེམས་དང
34a6 བྲལ།། མཉམ་དང་མི་མཉམ་ནམ་མཁར་བརྗོད་ལས་འདས།། ནམ་མཁའ་མེད་པས་ནམ་མཁའ་ཁྱབ་པའང་མེད།། དེ་ཉིད་མཚན་མ་འདི་ཞེས་མི་ནུས་སོ།། ཚིག་མེད་ཀུན་ཁྱབ་བརྗོད་པའི་སྒྲ་དང་བྲལ།། དགེ་སྡིག
iiif viewer powered by OpenSeadragon
