| e-texts navigator |
| Wylie |
33b1 པའི་ཐིག་ལེ་ལ།། གཟའ་གཏད་དུ་ཕྱོགས་སུ་མི་གནས་པའོ།། འབྲས་བུས་འབྲས་བུ་རྙེད་འདོད་པས།། ཤེས་རབ་ཐབས་སུ་རོལ་པ་ཡང་།། འགྱུར་བ་མེད་པའི་ཐིག་ལ།། རྩོལ་སྒྲུབ་ཕྱོགས་སུ་མི་གནས་པའོ།། ནམ
33b2 མཁའ་ནམ་མཁའ་མཐོང་འདོད་པས།། དབྱིངས་དང་ཡེ་ཤེས་རོལ་པ་ཡང་།། གསལ་བའི་ཐིག་ལེའི་ངོ་བོ་ཉིད།། ཐ་སྙད་ཕྱོགས་སུ་མི་གནས་པས།། ཀུན་ཏུ་བཟང་མོའི་མཁའ་དབྱིངས་ལས།། ཀུན་བཟང་རོལ་པའི
33b3 བྱེད་པ་པོས།། སངས་རྒྱས་དཀྱིལ་འཁོར་མ་ལུས་པ།། བྱ་བ་མེད་པར་གསལ་བ་པོ།། མ་སྐྱེས་ཆོས་ཉིད་ཐིག་ལེ་ནི།། མ་འགགས་དབྱིངས་ཀྱི་ཐིག་ལེར་བདེ།། མངོན་པར་དག་པའི་ཐིག་ལེ་ནི།། གསལ་བས་ཡེ
33b4 ཤེས་ཐིག་ལེར་བདེ།། རོལ་པ་ཀུན་བཟང་ཐིག་ལེ་ནི།། མི་རྩོལ་ལྷུན་གྱིས་གྲུབ་པས་བདེ།། ཐིག་ལེ་དྲུག་གི་མཁའ་ཀློང་ན།། ཐིག་ལེ་དགུ་ཡི་འོད་གསལ་ཞིང་།། ཐིག་ཕྲན་སུམ་ཅུ་རྩ་དྲུག་གིས།། ཐམས་ཅད་གསལ
33b5 བར་བཀྲ་བ་ཡང་།། དུས་གསུམ་འགྱུར་བ་མེད་པའི་དབྱིངས།། མན་ངག་རྒྱལ་པོ་དགོངས་པ་སྟེ།། མངོན་སུམ་སངས་རྒྱས་ཆེ་བའི་གཟེར།། བདག་ཉིད་ཆེ་བས་བཏབ་པའོ།། ཆོས་ཉིད་གཞན་ན་མེད་པའི
33b6 གཟེར།། བྱང་ཆུབ་སེམས་ཀྱིས་བཏབ་པའོ།། དུས་གསུམ་འབད་རྩོལ་མེད་པའི་གཟེར།། ལྷུན་གྱིས་གྲུབ་པས་བཏབ་པའོ།། ཆེ་བ་ལྔ་ཡི་མཛོད་བརྟོལ་ནས།། སྦས་པ་གསུམ་གྱི་གཏེར་རྙེད་ནས།། མངོན་སུམ་རང
iiif viewer powered by OpenSeadragon
