| e-texts navigator |
| Wylie |
33a1 བྱུང་བདེ་བའི་ཐིག་ལེ་ཡིན།། སངས་རྒྱས་ཀུན་གྱི་རྒྱལ་པོ་ཡིན།། དེ་ཉིད་ཡིན་པར་ངེས་པའི་ཕྱིར།། སྙིང་པོ་ངེས་པའི་ཐིག་ལེ་ལས།། གཞན་དུ་རྒྱལ་བས་ཆོས་མི་བཙལ།། འདི་ལས་གཞན་པའི་ཆོས
33a2 མེད་པས།། སྨོན་པར་བྱ་བའི་ཡུལ་མེད་དེ།། གང་ཞིག་བློ་ལ་གསལ་བ་ནི།། ཀུན་ཏུ་བཟང་པོའི་འབྲས་བུའི་དོད།། དྲན་པའི་གཞི་དང་བརྟགས་པའི་ལྷ།། མ་ལུས་འདི་ན་རྫོགས་པ་ལ།། གང་གིས་བཅོས་སུ་མེད་པ
33a3 བྱང་ཆུབ་ཆེན་པོར་ངེས་པས་ཏིག། ལས་དང་སྡུག་བསྔལ་མང་པོ་ཡིས།། བདེ་བའི་དོན་ལས་ཉམས་པ་ལ།། སྙིང་པོའི་དོན་ལས་འོད་བྱུང་སྟེ།། མངོན་སུམ་ཐིག་ལེ་བདེ་བས་ཆེ།། བགྲོད་དུ་མེད་པའི་ཐིག་ལེ
33a4 ནི།། ཡང་དག་ངེས་པའི་ལམ་དུ་བདེ།། དམིགས་སུ་མེད་པའི་སྙིང་པོ་ནི།། ཇི་བཞིན་གསལ་བས་ཐིག་ལེ་ཆེ།། གཟའ་གཏད་ཕྱོགས་ལས་འདས་པ་ནི།། བསྒོམ་དུ་མེད་པའི་བྱང་ཆུབ་སེམས།། མངོན་སུམ་ཐིག་ལེ
33a5 བདེ་བ་ལ།། བསྒོམས་པས་རྙེད་པར་ག་ལ་འགྱུར།། མ་རིག་དུག་གསུམ་རྨོངས་པ་ཡིས།། རྒྱུ་འབྲས་ཕྱོགས་ལས་འདས་པ་ཡང་།། ཡང་དག་ལྟ་བར་བྲལ་བ་ནི།། ཕྱལ་བར་གཞག་པ་མ་ཡིན་ཞིང་།། བཀག་སྟེ་ཞི་བས
33a6 ནུས་པ་དང་།། གཞིག་སྟེ་སྟོང་པས་སྤོང་བ་དང་།། སྟོང་པའི་ཡུལ་ལ་འཛིན་པ་ཡིས།། བསམ་གཏན་ཆད་པའི་མི་གནས་ཏེ།། དག་པས་དག་པ་བཙལ་བའི་ཕྱིར།། ལྷ་ལ་ལྷ་ཡི་དམིགས་པ་ཡང་།། འགྱུར་བ་མེད
iiif viewer powered by OpenSeadragon
