| e-texts navigator |
| Wylie |
32b1 འདས་པའི་ཕྱིར།། བསྟན་ཅིང་ཐོས་པའི་ཡུལ་མེད་དེ།། ཐ་སྙད་མེད་པའི་བྱང་ཆུབ་སེམས།། སྙིང་པོ་ཡང་དག་ཐིག་ལེ་ཧོ།། སྣང་དང་སྲིད་དང་ཆོས་རྣམས་ཀུན།། ཡང་དག་བཅོས་སུ་མེད་པ་ནི།། དུས་གསུམ་རྟོག་པ
32b2 མེད་པའི་ཕྱིར།། ཀུན་བཟང་ཐིག་ལེ་བདེ་བའི་ཕྱིར།། མ་སྐྱེས་དག་པས་བདེ་བའི་དབྱིངས།། མ་འགགས་གསལ་བའི་བདག་ཉིད་ཀློང་།། འདུ་འབྲལ་མེད་པའི་ཐིག་ལེའི་ཀློང་།། ངེས་པས་གཞན་དུ་མི་རྩོལ
32b3 བའོ།། མི་འདུ་ཡེ་ནས་དག་པ་ལ། མི་འབྲལ་མངོན་དུ་གསལ་བ་ནི།། ཐམས་ཅད་ཁྱབ་པས་བརྡལ་བ་ཡང་།། མི་གཡོ་ངེས་པའི་ཐིག་ལེ་དབྱིངས།། དོན་དམ་བདེན་པའི་ཐིག་ལེ་ནི།། དངོས་པོ་ཕྱོགས་ལས་འདས
32b4 པའི་ཕྱིར།། གཟུང་དུ་མེད་པའི་བྱང་ཆུབ་ལ།། ལྷག་པར་གནས་པར་མི་བྱེད་དོ།། མི་རྟོག་རྟོག་ལས་འདས་པ་ལ།། མི་འགྱུར་གསལ་བར་གནས་པ་ནི།། མ་བཅོས་ཇི་བཞིན་བདེ་བ་སྟེ།། ཀུན་བཟང་ཐིག་ལེ་ཆེན་པོའི
32b5 དབྱིངས།། དུས་གསུམ་སྲིད་གསུམ་སྒོ་གསུམ་པོ།། རྣམ་ཤེས་རྩ་བ་གསུམ་པོ་ཡང་།། སྐུ་གསུམ་རང་དབང་ལྷུན་གྲུབ་པས།། མངོན་སུམ་ཐིག་ལེ་བདེ་བའི་དབྱིངས། ཁ་དོག་དབྱིབས་ལ་མི་གནས་ཤིས།། འབྱུང
32b6 འཇུག་ཐབས་ལ་གནས་པ་ནི།། ལས་དང་དུས་ཀྱིས་མི་བཅོས་ཏེ།། ཡང་དག་ཐིག་ལེ་བདེ་བའི་ཀློང་།། ཐམས་ཅད་ངང་གིས་དག་པ་ལ།། ཡིད་ཀྱི་རྣམ་ཤེས་འོད་འབར་བ།། དུས་གསུམ་ཕྱི་ནང་མེད་པའི་ཕྱིར།། རང
iiif viewer powered by OpenSeadragon
