| e-texts navigator |
| Wylie |
31a1 མཐའ་གཅོད་ལས།། ལྷ་སྒོམ་བྱེ་བྲག་ཁྱད་པར་བསྟན་པའི་ལེའུ་སྟེ་རྩ་གསུམ་པའོ།། །། དེ་ནས་སེམས་དཔའ་རྡོ་རྗེས་ཡང་ཞུས་པ།། སྟོན་པའི་སྟོན་པ་བྱང་སེམས་ཀུན་ཏུ་བཟང་།། དུས་གསུམ
31a2 རྒྱལ་བའི་རང་བཞིན་ཆོས་ཀྱི་དབྱིངས།། སྤང་བླང་མེད་པ་མཉམ་པ་ཉིད་ཀྱི་ངང་།། རང་རིག་ཀུན་ཏུ་བཟང་པོ་ཉིད་ལ་འདུས།། ཆོས་རྣམས་ཤེས་བྱ་བསླབ་པའི་མཐའ་བཅུར་འདུས།། དེ་ལྟ་བུ་ཡི་བྱ་བྲལ་རྒྱུད་ཆེན
31a3 འདི།། སྣོད་ཀྱི་རིམ་པ་གང་ལ་གདམས་ཤིང་གཏད།། ཀུན་བཟང་མཆོག་གིས་བཀའ་སྩལ་པ།། ཉོན་ཅིག་སེམས་དཔའ་རྡོ་རྗེ་ཆེ།། ཕྱི་མ་དུས་ཀྱི་སྣོད་མེད་རྣམས།། བླ་མའི་སྐུ་སྨོད་མོས་པ་ཆུང་།། མཆེད་ལ་མི་གདུང
31a4 གཞོགས་ཀྱིས་སྨོད།། རྫས་ལ་ཤིན་ཏུ་ཆགས་སེམས་ཆེ།། དད་ཆུང་ཉམ་ལེན་གཡེལ་བ་དང་།། ཤེས་ནས་མི་བསྲུང་དམ་མེ་དང་།། ཚིག་ཏུ་ཞི་བ་ལ་དོན་ལ་རྩིང་།། ལེ་ལོ་ཆེ་ལ་སྤྱོད་ལམ་རྩིང་།། དྲེགས་པ་ཆེ་ལ་རང
31a5 བཞིན་གོང་།། གཟུ་ལུམ་རས་ཆོད་བྱེད་པ་ལ།། དེ་ལྟ་བུ་ལ་འདི་བསྟན་ན།། སྲིད་གསུམ་སེམས་ཅན་བསད་དང་མཚུངས།། རྒྱ་ལ་འབང་བྱ་ཁས་ལེན་ཞིང་།། ཡུལ་དང་བུད་མེད་འབུལ་བྱས་ཀྱང་། དེ་ལ་བསྲན་པར
31a6 མ་གསུངས་སོ།། གལ་ཏེ་དེ་ལ་བསྟན་གྱུར་ན།། ཉི་ཚེ་བ་ཡི་དམྱལ་བར་སྐྱེ།། དེ་བས་རྟ་ཤིའི་ཁ་བཞིན་སྡོམས།། སེམས་དཔའ་རྡོ་རྗེ་ལེགས་པར་ཉོན།། ཨ་ཏི་བྱ་བྲལ་རྒྱུད་རྣམས་ཀུན།། ཤེས་བྱ་བསླབ་པའི་མཐའ
iiif viewer powered by OpenSeadragon
