| e-texts navigator |
| Wylie |
30b1 བཟང་།། གང་ལ་མི་རྟེན་ལྷ་མེད་ལྟ་མཆོག་ལ།། དེ་ཉིད་མ་བཙལ་བཞག་པའི་སྒོམ་པ་དེ།། བྱང་སེམས་ཀུན་ཏུ་བཟང་པོ་ཉིད་ཀྱིས་རབ་ཏུ་ཤོད།། བྱང་སེམས་ཀུན་ཏུ་བཟང་པོས་བཀའ་སྩལ་པ།། ཀུན་གྱི་རང་བཞིན
30b2 ཡེ་ནས་ཕྱི་མོ་ཉིད།། དཔེ་ལས་འདས་པས་མཚོན་པའི་དོན་དང་བྲལ།། ཚིག་ལས་འདས་པས་བརྗོད་པའི་ངག་དང་བྲལ།། སྒྲ་ལས་འདས་པས་ཐོས་པའི་ཡུལ་དང་བྲལ།། རྒྱུ་དང་བྲལ་བས་ཐོབ་པའི་འབྲས་བུ
30b3 མེད།། རང་བཞིན་མེད་པས་བཅོས་པའི་མཐའ་དང་བྲལ། ཁ་དོག་མེད་པས་དམིགས་པའི་ཡུལ་དང་བྲལ།། ཅི་ཡང་མིན་པས་ཕྱོགས་རིས་ཡོངས་དང་བྲལ།། བཙལ་དུ་མེད་པས་ལྟ་བ་གཟའ་གཏད་བྲལ།། ཅིར་ཡང
30b4 མི་དགོངས་ཅིར་ཡང་མི་གཡོ་དང་།། ཅིར་ཡང་མི་བསམ་ཅིར་ཡང་སྤྱད་མི་བྱ།། གང་ལའང་མ་འདྲེས་སྒོམ་དུ་མིང་ཡང་མེད།། ཅི་ཡང་མི་མཐོང་ཅིར་ཡང་ལྟར་མེད་དེ།། དེ་ལྟ་བུ་ཡི་ངང་ལ་གང་གནས་པ།། ཐ་སྙད
30b5 ཙམ་དུ་སྒོམ་ཞེས་དེ་ལ་བྱ།། རིག་པ་ཅིར་ཡང་འདུ་ཤེས་མེད་ན་སྒོམ།། ཇི་བཞི་རང་བཞིན་གཞག་ན་སྒོམ་པ་ཡིན།། བྱ་བྲལ་དང་དུ་གནས་ན་སྒོམ་པ་ཡིན།། གསལ་བ་དམིགས་སུ་མེད་ན་སྒོམ་པ་ཡིན།། ཇི་ལྟ་བུར
30b6 ཡང་མ་མཐོང་སྒོམ་པ་ཡིན།། མ་བཅོས་མཉམ་པར་གཞག་ན་སྒོམ་པ་ཡིན།། སྒོམ་དུ་མེད་པའི་དོན་ལ་མ་ཡེངས་ན།། སྒོམ་དུ་མེད་པའི་སྒོམ་པ་མཆོག་ཉིད་ཡིན།། ཞེས་གསུངས་སོ།། བྱང་ཆུབ་ཀྱི་སེམས་ཤེས་བྱ།
iiif viewer powered by OpenSeadragon
