| e-texts navigator |
| Wylie |
30a1 བཞིན་གནས་པ་འཛིན་པ་ཡིན།། སེམས་ཀྱི་རང་བཞིན་དམིགས་པ་མེད་པ་ལ།། དུས་གསུམ་དུས་མེད་བརྗོད་དང་བྲལ་བ་ཡིན།། བརྗོད་དང་བྲལ་བའི་དོན་ནི་དེ་ཉིད་ལ།། དམིགས་ཅིང་གང་གིས
30a2 བཟློས་པ་འདོན་པ་ཡིན།། སེམས་ཀྱི་རང་བཞིན་དམིགས་སུ་མེད་པ་ཡིན།། མཚོན་པར་བྱེད་པའི་ཚིག་ནི་སྟོན་བྱེད་ཅིང་།། དམིགས་སུ་མེད་པ་དམིགས་སུ་བྱ་བའི་དོན།། མྱ་ངན་འདས་པ་སྨྲ་བར་བཤད་པ
30a3 ཡིན།། སེམས་ཀྱི་རང་བཞིན་དམིགས་སུ་མེད་པ་ལ།། དམིགས་པའི་དངོས་པོ་གང་ཡང་མི་སེམས་ཤིང་།། དམིགས་པར་བྱ་བའི་ཆོས་ནི་རྡུལ་ཙམ་མེད།། དམིགས་པ་དངོས་པོ་གང་ཡང་མི་སེམས་ཏེ།། དམིགས་བྱེད
30a4 དོན་ལ་སེམས་པ་སེམས་དཔའ་ཡིན།། སེམས་ཀྱི་རང་བཞིན་དམིགས་སུ་མེད་པ་ལ།། སེམས་དེ་ཡེ་སངས་རྒྱས་པར་ཐག་ཆོད་དོ།། མི་སྐྱེ་མི་འགགས་དམིགས་སུ་མེད་པ་ལ།། དམིགས་མེད་དམིགས་སུ་མེད་པ་སྒོམ
30a5 པ་ཡིན།། སྔར་འདས་རྒྱལ་བ་སྲས་དང་བཅས་པ་དང་།། ད་ལྟར་ཕྱི་མའི་རྒྱལ་བ་སྲས་བཅས་རྣམས།། ཆོས་སྤྱོད་འདི་བཅུ་རྟོགས་པས་འགྲུབ་པའི་ཕྱིར།། བཅུ་པོ་འདི་ནི་རྒྱལ་བ་ཀུན་གྱི་ཡུམ།། ཞེས་གསུངས
30a6 སོ།། བྱང་ཆུབ་ཀྱི་སེམས་ཤེས་བྱ་མཐའ་གཅོད་ལས།། ཆོས་སྤྱོད་བཅུ་བསྟན་པའི་ལེའུ་སྟེ་ཉི་ཤུ་རྩ་གཉིས་པའོ།། །། དེ་ནས་སེམས་དཔའ་རྡོ་རྗེས་ཡང་གསོལ་པ།། སྟོན་པའི་སྟོན་པ་བྱང་སེམས་ཀུན་ཏུ
iiif viewer powered by OpenSeadragon
