| e-texts navigator |
| Wylie |
29b1 བཟང་།། བསོད་ནམས་ཆོས་སྤྱོད་བཅུ་རྣམས་ཇི་ལྟར་རྫོགས།། དེ་ཡི་དོན་ལ་ཇི་ལྟར་གནས་པར་བགྱི། དམིགས་སུ་མེད་པ་དེ་ཉིད་རབ་དབྱེ་ན། བལྟས་རེ་མཐོང་བ་མེད་ན་མཐོང་བ་ཡིན།། སེམས་ཉིད་རང་བཞིན
29b2 མཐོང་བ་འདྲ་བ་ཡིན།། སེམས་ཉིད་རང་བཞིན་དམིགས་སུ་མེད་པ་ལ།། བྱང་སེམས་ཀུན་ཏུ་བཟང་པོས་བཀལ་སྩལ་པ།། སེམས་དཔའ་རྡོ་རྗེ་ད་ཡང་ལེགས་པར་ཉོན།། བྱང་ཆུབ་སེམས་ཉིད་ཤེས་བྱ་བསྟན་པ
29b3 ནི།། སེམས་ཀྱི་རང་བཞིན་དམིགས་སུ་མེད་པ་ལ།། དེ་རིག་དེ་ཉིད་ཀློང་དུ་གྱུར་པ་ནི།། དེ་བས་དེ་ཉིད་གཉིས་པར་མི་འགྱུར་ཏེ།། གཉིས་མེད་ཀློང་དུ་གྱུར་པ་མཆོད་པ་ཡིན།། སེམས་ཀྱི་རང་བཞིན་དམིགས་སུ་མེད
29b4 པ་ལས། ཁ་དོག་དབྱིབས་མེད་ཚོན་ལས་འདས་པ་སྟེ།། གདོད་ནས་མ་བྱུང་མ་སྐྱེས་དེ་ཉིད་ལས།། སྣ་ཚོགས་འདོད་དགུ་འབྱུང་བས་སྦྱིན་པ་ཡིན།། སེམས་ཀྱི་རང་བཞིན་དམིགས་སུ་མེད་པ་ལས།། གསུང་གི་ཀློང
29b5 ནས་རིགས་ཉིད་ཤར་བ་དེ།། སྣ་ཚོགས་སེམས་ཉིད་ཤེས་པ་ཉན་པ་ཡིན།། སེམས་ཀྱི་རང་བཞིན་དམིགས་སུ་མེད་པ་ལ།། སེམས་ཉིད་དམིགས་སུ་མེད་དེ་སྙིང་པོའི་མཆོག། ཐིག་ལེ་ཆེན་པོ་ཡོངས་ཀྱིས་མཁའ་ཀློང
29b6 དེ།། དེ་བཞིན་འགྱུར་མེད་གནས་པ་ཀློག་པ་ཡིན།། སེམས་ཀྱི་རང་བཞིན་དམིགས་སུ་མེད་པ་ལ།། འཁོར་བའི་མུན་ཉིད་གདོད་ནས་ཡེ་སངས་རྒྱས།། གདོད་ནས་གཉིས་མེད་སེམས་ཉིད་ལྷུན་གྱིས་གྲུབ།། རིག་པ་དེ
iiif viewer powered by OpenSeadragon
