| e-texts navigator |
| Wylie |
26b1 སེམས་ཀུན་ཏུ་བཟང་པོས་བཀའ་སྩལ་པ།། སེམས་དཔའ་རྡོ་རྗེ་དེ་ཉིད་རབ་ཏུ་ཉོན།། དེ་ལྟར་བཤད་པའི་རང་བཞིན་བཅུ་པོ་ཉིད།། ཤེས་བྱ་བསླབ་པའི་མཐའ་བཅུ་ཉིད་དུ་འདུས།། བསླབ་པའི་མཐའ་བཅུའི་དོན
26b2 ཁྲིགས་ཇི་ལྟར་ངེས།། རང་བྱུང་ཡེ་ཤེས་ཡེ་ནས་རང་ཤར་བས།། དབང་བསྐུར་མཆོག་ཉིད་ཡེ་ནས་བསྐུར་དུ་མེད།། དམ་ཚིག་ཡེ་ནས་གཉིས་འཛིན་བྲལ་བས་ན།། དམ་ཚིག་མཆོག་ཉིད་ཡེ་ནས་བསྲུང་དུ་མེད།། ལྟ་བ
26b3 ཡེ་ནས་གཟའ་གཏད་བྲལ་བས་ན།། ལྟ་བའི་མཆོག་ཉིད་ཡེ་ནས་བལྟ་རུ་མེད།། ཕྲ་བས་ཡེ་ནས་དམིགས་གཏད་བྲལ་བས་ན།། བསྒོམ་པའི་མཆོག་ཉིད་ཡེ་ནས་ལྷར་མི་བསྐྱེད།། སྤྱོད་པ་ཡེ་ནས་བླང་དོར་བྲལ་བས
26b4 ན།། སྤྱོད་པའི་མཆོག་ཉིད་ཡེ་ནས་སྤྱད་དུ་མེད།། ལམ་ལ་ཡེ་ནས་བགྲོད་དུ་མེད་པས་ན།། མཁས་ལ་ཡེ་ནས་གནས་ལུགས་དགོངས་པ་ནི།། ས་ལ་ཡེ་ནས་བགྲང་དུ་མེད་པའི་ཕྱིར།། ཐོས་པའི་མཆོག་ཉིད་ཡེ་ནས
26b5 བརྗོད་དང་བྲལ།། ཡེ་ཤེས་ཡེ་ནས་སྒྲིབ་པ་མེད་པས་ན།། སྒོ་བསྡུར་མཆོག་ཉིད་ཡེ་ནས་ཐེག་གཅིག་སེམས།། འཕྲིན་ལས་ཡེ་ནས་བཙལ་དུ་མེད་པས་ན།། མན་ངག་མཆོག་ཉིད་ཡེ་ནས་བྱ་བྲལ་ཀློང་།། ལྷུན་གྲུབ་ཡེ
26b6 ནས་བྱ་བཙལ་བྲལ་བས་ན།། མདོ་བསྡུས་མཆོག་ཉིད་ཡེ་ནས་ཐིག་ལེ་གཅིག། རང་བཞིན་བཅུ་ནི་བསླབ་པའི་མཐའ་བཅུ་ཉིད།། སེམས་ཉིད་རྫོགས་པས་དེ་ལྟར་གཏན་ལ་ཕབ།། བསླབ་པའི་མཐའ་བཅུ་བཅུ་ཕྲག
iiif viewer powered by OpenSeadragon
