| e-texts navigator |
| Wylie |
26a1 གྱུར་པ་གང་ཡིན་པ།། དེ་ནི་མན་ངག་ཀུན་གྱི་མཆོག། མ་རྟོགས་རྩོལ་བའི་ཚེ་ཆད་ཡིན།། དེས་ན་རྟོགས་པ་གཙོ་བོར་བཤད།། སེམས་དཔའ་རྡོ་རྗེ་དེ་ཡང་ཉོན།། མན་ངག་ཅེས་སུ་བྱ་བ་ཡང་།། མན་ནི
26a2 སྙིང་པོའི་བྱང་ཆུབ་སྐུ།། ངག་ནི་རིག་པ་ས་ལེ་བ།། མན་ནི་སྟོང་རིག་ཡེ་ཤེས་སྐུ། ངག་ནི་བརྗོད་པའི་སྒྲ་ལས་འདས། མན་ནི་ཐུགས་ཀྱི་སྒྲོན་མེ་ཕྱེ།། ངག་ནི་མགུལ་གྱི་བུམ་པར་འདྲིལ།། མན་ནི་རིགས་པ་ས་ལེ
26a3 བ།། མན་ངག་ནི་ལྗགས་ལ་བཀྲམ་པའོ།། མན་ན་རིང་རིག་ཆོས་ཀྱི་སྐུ།། ངག་ནི་མགུར་ནས་བྱུང་བའོ།། མན་ནི་རང་རིག་རྒྱལ་པོ་ཡིན།། ངག་ནི་རང་བྱུང་ཡེ་ཤེས་གསལ།། ཚེགས་ཆུང་བས་ན་མན་ངག་ཡིན།། གོ
26a4 སླ་བས་ན་མན་ངག་ཡིན།། བྱ་བཙལ་བྲལ་བས་ན་མན་ངག་ཡིན།། ཡོན་ཏན་ལྷུན་གྲུབ་མན་ངག་ཡིན།། སེམས་དཔའ་རྡོ་རྗེ་རབ་ཏུ་ཉོན་ལ་ཟུང་།། སྣོད་ལྡན་ཀུན་ལ་དེ་བཞིན་སྟོན།། རབ་ཏུ་གསུངས་སོ།། བྱང་ཆུབ
26a5 ཀྱི་སེམས་ཤེས་བྱ་མཐའ་གཅོད་ཀྱི་རྒྱུད་ལས། རང་བྱུང་ཡེ་ཤེས་དང་མན་ངག་བསྟན་པའི་ལེའུ་སྟེ་ཉི་ཤུ་པའོ།། །། དེ་ནས་ཡང་སེམས་དཔའ་རྡོ་རྗེ་ནན་ཏན་ཞུས་པ།། ཨེ་མ་ཧོ། བྱང་སེམས་ཀུན་ཏུ
26a6 བཟང་།། སྔར་དུ་བཤད་པའི་རང་བཞིན་བཅུ་པོ་དང་།། ཤེས་བྱ་བསླབ་པའི་མཐའ་བཅུར་གསུང་པ་ཉིད།། ཐ་དད་ལགས་སམ་དོན་ཁྲིགས་ཇི་ལྟར་ལགས།། བྱང་སེམས་ཀུན་ཏུ་བཟང་པོས་བཤད་དུ་གསོལ།། བྱང
iiif viewer powered by OpenSeadragon
