| e-texts navigator |
| Wylie |
25b1 དགུ་པའོ།། །། དེ་ནས་སེམས་དཔའ་རྡོ་རྗེས་ཡང་ཞུས་པ།། ཨེ་མ་ཧོ།། སྟོན་པ་བྱང་སེམས་ཀུན་ཏུ་བཟང་།། རང་བྱུང་ཡེ་ཤེས་དོན་ནི་གང་།། མན་ངག་གཅེས་པའི་དོན་ནི་གང་།། དེ་ནས་སྟོན་པ་ཀུན་བཟང
25b2 གིས།། འཁོར་རྣམས་ཀུན་ལ་བཀའ་སྩལ་པ།། ཉོན་ཅིག་སེམས་དཔའ་རྡོ་རྗེ་ཆེ།། དང་པོ་རྒྱུ་ལས་མ་བྱུང་རང་།། ཕ་ཞེས་བྱ་བའི་རྒྱུ་ཡང་མེད།། བར་དུ་རྐྱེན་ལས་མ་བྱུང་རང་།། མ་ཞེས་བྱ་བའི་རྐྱེན་ཡང་མེད།། ཐ་མ
25b3 གཉེན་པོས་མི་འཇིག་རང་།། ཡུལ་གཞན་འགྱུར་བའི་གཉེན་པོ་མེད།། འགག་པ་མེད་པས་རང་ཉིད་བྱུང་།། སྒྲིབ་པ་མེད་པས་རང་ཉིད་བྱུང་།། ངོ་བོ་སྣ་ཚོགས་སྣང་བས་བྱུང་།། ཡེ་ནི་ནས་གནས་པ་ཡིན།། ཡེ་ནས
25b4 འགྱུར་བ་མེད་པ་ཡིན།། ཡེ་ནས་དངོས་མེད་དངོས་མ་གྲུབ།། ཡེ་ནི་དེས་ན་བརྗོད་མ་གྲུབ།། ཡེ་ནི་རང་བྱུང་ཤུགས་ལས་འཆར།། རིག་པ་རང་གསལ་རང་དུ་ཤེས།། རིག་པ་མ་འགགས་གསལ་བར་ཤེས།། རིག་པ
25b5 བདེ་ཆེན་གཉིས་མེད་ཤེས།། རིག་པ་མ་བཅོས་གཉུག་མར་ཤེས།། རིག་པ་རང་གྲོལ་མཉམ་ཉིད་གྲོལ།། དེ་ཡང་སེམས་དཔའ་རྡོ་རྗེ་ཉོན།། རང་བྱུང་ཡེ་ཤེས་རྒྱལ་པོ་འདི།། མི་འགྱུར་འགྱུར་མེད་ཡེ་ནས་གནས།། མ
25b6 འགགས་ཤེས་པའི་ཕྱིར་ན་རིག། རིག་པ་དོན་ལ་མི་འགྱུར་ཝལ།། ངོ་བོ་དོན་ལས་མ་ཡེངས་གསལ།། སྐྱེ་མེད་ཐུགས་སུ་ཆུད་པས་སི།། དེ་ཡི་དོན་ལས་མི་ཡེངས་པ།། གང་གིས་རྟོགས་ན་ཀུན་ཏུ་བཟང་།། རྟོག་པར
iiif viewer powered by OpenSeadragon
