| e-texts navigator |
| Wylie |
9a1 །། བྱུང་ཡེ་ཤེས་བཙལ་མེད་པས།། གྲོལ་ནས་གྲོལ་བའི་ལམ་ཡང་སྟོན།། བདེ་བ་ཆེན་པོའི་རྒུད་ལས། གསང་བ་མན་ངག་གི་སྙིང་པོ་ཉིད།། མུ་སྟེགས་དང་ཉན་ཐོས་ལས་ལམ་རིང་བར་བསྟན་པའི་ལེའུ་སྟེ
9a2 བཞི་པའོ།། །། དེ་ནས་བཅོམ་ལྡན་འདས་ཀུན་ཏུ་བཟང་པོས་སེམས་དཔའི་དཀྱིལ་འཁོར་བསྟན་པའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། གསང་བའི་ཐིག་ལེ
9a3 གཉིས་མིན་པས།། ཡེ་ཤེས་ཡང་དག་ས་ཡི་འོད།། བཅོམ་ལྡན་འདས་ཉིད་ལྷ་ཡི་ལྷ།། དཔའ་བོ་ཆེ་ལ་ཕྱག་འཚལ་ལོ།། སེམས་ཅན་སྤྲོས་མེད་མ་སྐྱེས་པ།། སྐྱེ་མི་སྐྱེ་ཡི་གྲོས་སྤངས་པའི།། འབྱུང་དང་འབྱུང་གྱུར་རབ
9a4 སྦྱོར་བ།། མཆོག་ཏུ་རྟག་པར་སྦྱོར་བའོ།། རིན་ཆེན་ཐམས་ཅད་འབྱུང་གནས་དག། འོད་འབྱུང་ནམ་མཁའ་འདྲ་བ་ཡི།། རྒྱལ་མཚན་འབར་བ་བཙུགས་པ་སྟེ།། འོད་ལྡན་ཉི་མས་དབང་བསྐུར་བའོ།། ཆོས་ཀྱི
9a5 ལོངས་སྤྱོད་དག་པ་འབྱུང་།། ཁ་འབྱེད་པདྨ་དམར་པོའི་མཆོག། འདོད་ཆགས་དེ་ཉིད་གསང་བའི་མཆོག། ཐམས་ཅད་གསལ་བྱེད་བདུད་རྩིའི་སྐུ།། ཀུན་བསྒྱུར་དབང་ཕྱུག་ཡང་དག་ལྡན།། དེ་བཞིན་གཤེགས་ཚུལ་ཁུ
9a6 ཚུར་བསྟན།། སྣ་ཚོགས་ཡེ་ཤེས་སྣ་ཚོགས་ཆེ།། དགེ་བའི་ལས་ཆེན་ཁྱད་པར་སྣང་།། ཀུན་འབྱུང་ཐིག་ལེ་མཆོག་ཉིད་འཛིན།། མ་བྱུང་མི་སྐྱེའི་སྙིང་པོ་ལ།། སྒྲོ་བཏགས་ཆོས་ཀུན་ག་ལ་ཡོད།། ཡེ་ནས་བྱར་མེད་བྱ
iiif viewer powered by OpenSeadragon
