| e-texts navigator |
| Wylie |
99b1 བསྒོམ་པའི་ལུང་བསྟན་པའི་ལེའུ་སྟེ་སུམ་ཅུ་བརྒྱད་པའོ།། །། ལེའུ་སྟེ་འདིས་བྱང་ཆུབ་སེམས་ཀྱི་མན་ངག་བསྟན་ཏེ། བྱང་བ་ལས་རྣམ་པར་དག་སྟེ་བྱས་ཟིན་པས་བྱང་དོན་ཐམས་ཅད་དབྱིངས་སུ་གཅིག
99b2 སྟེ། མ་བཙལ་བར་དབྱིངས་སུ་མེད་པས་ཆུབ་བོ།། ཐིག་ལེ་ཆེན་པོས་ཀུན་ལ་ཁྱབ་སྟེ། གཅིག་པས་སེམས་ཀུན་ཏུ་བཟང་པོའི་ངང་དུ་གསལ་ཏེ། མི་འབྱེད་པས་བདེ། རྒྱུ་རྐྱེན་ཀུན་དང་བྲལ་ཏེ་རག་གཞན་ལ་མ་ལུས
99b3 པ་ཆེན་པོ། རགས་པར་སྣང་བའི་རྩོལ་བ་མི་བསམ་སྟེ། བྱ་བ་བྱེད་པ་མེད་པས་བྱང་། མི་དམིགས་པའི་ངང་ལ་མི་གཡོ་བའི་དྲན་པ་ཀུན་དང་བྲལ་བས་ཆུབ། སྐྱེ་བ་མེད་པའི་ཏིང་ངེ་འཛིན་ལ་ཡིད་གཞན་དུ་མ་ཡེངས
99b4 པའི་ཚེ་ན་སེམས། དྲན་པ་རྣལ་དུ་ཕབ་པ་ལ་གཉེན་པོ་གཞན་མེད་པས་བདེ་བ་དབང་དང་དངོས་གྲུབ་ཀྱི་རག་གང་དུ་ཡང་མ་ལུས་ཏེ། ལམ་གྱི་བསྒྲུབ་མི་དགོས་པས་དགོངས་པ་ལྷུན་གྱིས་གྲུབ་པ་ཆེན་པོ། བྱང་ཆུབ
99b5 སེམས་རྨད་དུ་བྱུང་བ་ལས། བྱང་ཆུབ་སེམས་མན་ངག་ཏུ་བསྟན་པའི་ལེའུ་སྟེ་སུམ་ཅུ་རྩ་དགུ་པའོ།། །། ད་ནི་ལེའུ་འདིས་སློབ་མ་སྣོད་བཟང་པོའི་སློབ་མ་ལ། ལོབས་པར་བྱ་བའི་གཏན་ཚིགས་བསྟན་ཏེ།
99b6 བྱང་ཆུབ་སེམས་ནི་ཀུན་ཏུ་བཟང་པོ་ཡང་ཡིན་ནོ།། རྡོ་རྗེ་སེམས་དཔའ་ལ་སོགས་ཏེ་རིགས་ལྔ་ཡང་ཡིན་ནོ།། རིགས་ཀྱི་ཡུམ་རྣམས་ཀྱང་ཡིན་ནོ།། བྱང་ཆུབ་སེམས་དཔའ་དང་སེམས་མ་ཡང་ཡིན་ནོ།། སྐུ
iiif viewer powered by OpenSeadragon
