| e-texts navigator |
| Wylie |
98b1 འགྱུར་ཏེ། ལྷུན་གྱིས་གནས་པའི་ཆོས་ཉིད་ཀུན་གྱི་སྙིང་པོའོ།། སྐུ་དང་ཡེ་ཤེས་ཀྱི་འབྱུང་གནས་སུ་གྱུར་པས་ཆུབ་ལ། སེམས་ནི་རྟོག་པའི་ཡེ་ཤེས་སུ་གྱུར་པས། ཀུན་གཞི་གསང་བའི་དབྱིངས་ནས་མ་བསླད་པའི་དོན
98b2 བཙལ་དུ་མེད་པ་ནི་ནོར་བུ་རིན་པོ་ཆེ། རང་བཞིན་དང་ཁ་དོག་ཏུ་གསལ་བ་ནི་སེམས་སྐྱེ་བ་མེད་པ་ཡིན་ལ། བདེ་བ་ནི་དུས་གསུམ་ཅིག་ཅར་རྫོགས་ཏེ། ཆོས་ཀྱི་དབྱིངས་ཡོངས་སུ་དག་པ་དང་། དགྱེས་པ་ཆེན་པོ
98b3 བཏང་སྙོམས་སུ་བཞུགས་པས་བདེ་བ་ཡིན་ལ། ཆེན་པོ་ནི་གཉེན་པོ་གང་དག་གིས་ཀྱང་ཆོས་སུ་མེད་པ་སྟེ། ནམ་མཁའ་ལྟར་རྒྱུ་ལ་མ་ལྟོས་ཏེ་ཡེ་ནས་དག། རྐྱེན་དང་མ་འབྲེལ་ཏེ་ཡེ་ནས་གནས། རྫས་དང་མཚན་མ
98b4 ལ་རག་མ་ལས་ཏེ། གང་ན་ལ་བཟླར་མེད་པ་ཡིན་ནོ།། ཐུགས་ལ་ཡང་དོན་གསུམ་སྟེ། ཀུན་ལ་འཇུག་པ་དང་། ཡིད་ཀྱི་མཚན་ཉིད་དང་། རིག་པའི་ཡེ་ཤེས་སོ།། སྐུ་ལ་ཡང་དོན་གསུམ་སྟེ། ཀློང་ཡངས་པའི་མཁའ
98b5 དང་། ཀུན་ཏུ་བདེ་བའི་སྐུ་དང་། བྱང་ཆུབ་ཀྱི་སེམས་རྡོ་རྗེའོ།། གསུང་ལ་ཡང་གསུམ་སྟེ། ངེས་པའི་ཚིག་དང་། བརྗོད་པར་བྱ་བ་དང་། ཐམས་ཅད་དུ་སྤྲོས་པའོ།། བྱང་ཆུབ་སེམས་རྨད་དུ་བྱུང་བ་འདིས་ཁམས་གསུམ
98b6 དབང་དུ་བསྡུས་ཏེ། ཐམས་ཅད་ཀྱི་སྲོག་འཛིན་པའི་ཕྱིར། ཡུམ་ཀུན་ཏུ་བཟང་མོའི་བྷ་ག་རྒྱ་མཚོའི་དབྱིངས་སུ་ཐིམ་ལ་སྐུ་གསུང་ཐུགས་ལྷུན་གྱིས་གྲུབ་སྟེ། བྱ་བཙལ་ལས་འདས་ནས་རིག་པའི་རྒྱལ་པོ་རང་དབང་དུ
iiif viewer powered by OpenSeadragon
