| e-texts navigator |
| Wylie |
98a1 སྐུའི་འོད་ལ་བཞུགས་ཤིང་། གསུང་གི་འོད་ཟེར་ལ་རོལ་བར་བསྟན་པ་དང་། ཀུན་རིག་ཆོས་ཀྱི་རྒྱལ་པོས་ཡུམ་འདོད་པའི་དབང་མོ་དང་གཉིས་སུ་མེད་པར་བསྟན་པའོ།། བྱང་ཆུབ་ཡེ་ནས་སངས་རྒྱས་ཏེ།
98a2 རྟག་པའི་གཡུང་དྲུང་དུ་བསྟན་པ་ལ་དོན་བདུན་ཏེ། ཞིང་བཅུ་ཡང་སངས་རྒྱས་ཀྱི་ཞིང་དུ་བསྟན་པ་དང་། སྣང་སྲིད་ཐམས་ཅད་ཐུགས་རྗེ་ཆེན་པོའི་ངང་དུ་བསྟན་པ་དང་། འཁོར་བའི་ཆོས་ཐམས་ཅད་བྱང་ཆུབ་སེམས
98a3 སུ་བསྟན་པ་དང་། ཐེག་པ་མཐའ་དག་གི་ཡང་རྩེ་ཨ་ཏི་ཡོ་གར་བསྟན་པ་དང་། རྒྱུ་དང་འབྲས་བུའི་ཆོས་ཐམས་ཅད་བྱང་ཆུབ་སེམས་སུ་འདུས་པར་བསྟན་པ་དང་། ཚིག་དང་ཡི་གེའི་སྤྱོད་ཡུལ་ལས་འདས་པར་བསྟན
98a4 པ་དང་། སྦྱོར་སྒྲོལ་སྐྱེ་ཤི་རྩ་བ་བཅད་ནས། ཀུན་ནས་བསྡུས་པའི་ཐིག་ལེ་རྟག་ཆད་ཀྱི་མཐའ་ལས་འདས་པར་བསྟན་པའོ།། བྱང་ཆུབ་སེམས་རྨད་དུ་བྱུང་བ་ལས། མན་ངག་གི་དགོས་ཆེད་བསྟན་པའི་ལེའུ་སྟེ་སུམ་ཅུ
98a5 དྲུག་པའོ།། །། ལེའུ་འདིས་བྱང་ཆུབ་སེམས་རྨད་དུ་བྱུང་བའི་ངེས་ཚིག་བསྟན་ཏེ། དེ་ཡང་བྱང་བ་ནི་སྒྲིབ་པ་དང་བག་ཆགས་ཡེ་ནས་བྱང་བ་སྟེ། ཤེལ་སྒོང་ལག་མཐིལ་དུ་བཞག་པ་ལྟར། དུས་གསུམ་དང
98a6 ཁམས་གསུམ་དང་། སྲིད་པ་གསུམ་དུས་གཅིག་ཏུ་མཁྱེན་པ་མ་འགགས་པས། དྲངས་ཤིང་དག་ལ་གསལ་བས་དོན་ངེས་པ་ཡིན་ལ། ཆུབ་པ་ནི་ཏིལ་འབྲུ་མར་གྱིས་ཁྱབ་པ་དང་འདྲ་བར་ཐམས་ཅད་ཀྱི་བཅུད་དུ
iiif viewer powered by OpenSeadragon
