| e-texts navigator |
| Wylie |
96a1 བ་ལས་མི་འཕོ་མི་འགྱུར་བའི་ལེའུ་སྟེ་སུམ་ཅུ་སོ་གསུམ་པའོ།། །། ལེའུ་འདིས་བདེ་བ་ཆེན་པོའི་ཀློང་ན། སྐུའི་འོད་དང་གསུང་གི་ཟེར་ལ་རོལ་ཅིང་ཇི་ལྟར་འབྱུང་བ་བསྟན་ཏེ། བྱང་ཆུབ་སེམས
96a2 བདེ་བ་ཆེན་པོའི་ཀློང་ན། སྐུའི་འོད་དང་གསུང་གི་ཟེར་ལས་ཀུན་རིག་ཆོས་ཀྱི་རྒྱལ་པོས། ཡུམ་འདོད་པའི་དབང་མོ་ལ། གཉིས་སུ་མེད་པས་གནས་ཤིང་སྣང་སྲིད་ཐམས་ཅད་ཐུགས་རྗེ་ཆེན་པོའི་ངང་དུ་གྱུར་ཏེ། ཡང
96a3 འཁོར་བའི་ཆོས་དང་སྲིད་པ་ཀུན་ཡང་དག་པའི་བྱང་ཆུབ་ཏུ་བསྟན་ཏོ།། བྱང་ཆུབ་སེམས་རྨད་དུ་བྱུང་བ་ལས། ཚིག་དང་ཡི་གེ་ལས་འདས་པར་བསྟན་པའི་ལེའུ་སྟེ་སུམ་ཅུ་སོ་བཞི་པའོ།། །། ལེའུ་འདིས
96a4 ཆོས་ཐམས་ཅད་ཡེ་ནས་མྱ་ངན་ལས་འདས་པར་བསྟན་ཏེ། དེ་ཡང་བྱང་ཆུབ་སེམས་མྱ་ངན་ལས་འདས་པ་ཡང་དོན་གསུམ་སྟེ། ཡེ་ནས་སངས་རྒྱས་པའི་དབྱིངས་ན་མི་དམིགས་པའི་རྒྱལ་པོ་རྟོག་པ་མི་མངའ
96a5 བར་ཐུགས་རྗེ་ཆེན་པོ་ཡེ་ཤེས་སུ་གྱུར་པ་བཞུགས་པ་དང་། སྲིད་པ་གསུམ་དུས་གཅིག་ཏུ་གསལ་བར་མཁྱེན་པའི་ཡེ་ཤེས་ལ་མ་འགགས་པར་གསལ་ཞིང་དག་པ་དང་། དག་པར་མཁྱེན་པ་དང་། ཐམས་ཅད་ཀྱི་སྣོད
96a6 དང་བཅད་དུ་གྱུར་པའོ།། དེ་ལྟར་ཀུན་གྱི་སྙིང་པོར་གྱུར་པས། སྐུ་དང་ཡེ་ཤེས་ཀྱི་ཆོས་ཉིད་དོ།། བྱང་ཆུབ་སེམས་རྨད་དུ་བྱུང་བ་ལས། སྐུ་དང་ཡེ་ཤེས་ཆོས་ཉིད་དུ་བསྟན་པའི་ལེའུ་སྟེ་སུམ་ཅུ་སོ་ལྔ
iiif viewer powered by OpenSeadragon
