| e-texts navigator |
| Wylie |
94a1 ཡེ་ཤེས་ཀྱི་འོད་འབྱུང་བའོ།། དེ་ལྟར་འོད་ཀྱིས་སྟོང་གསུམ་གྱི་སྟོང་ཆེན་པོའི་ཆོས་ཀྱི་དབྱིངས་ཀྱི་སྐུ་དང་། ཡེ་ཤེས་ཀྱི་འོད་ཀྱིས་འཇིག་རྟེན་ཁམས་མ་ལུས་པ་ཀུན་ལ་ཁྱབ་སྟེ། སྟོང་པ་ཆེན་པོར་བཤད
94a2 པའོ།། རྨད་དུ་བྱུང་བ་སངས་རྒྱས་ཀྱི་འོད་ནི་བསམ་གྱིས་མི་ཁྱབ་པའོ།། དེ་ནི་ཡེ་ཤེས་ཀྱི་འོད་དེ། དེས་བྱང་ཆུབ་རྨད་དུ་བྱུང་བ་མཐོང་བར་བྱེད་པས། རྨད་དུ་བྱུང་བའི་འོད་ཅེས་བྱའོ།། བཅོམ་ལྡན་འདས་དཔལ་རྡོ་རྗེ
94a3 སེམས་དཔས། ཡང་ཀུན་རིག་ཆོས་ཀྱི་རྗེ་ལ་ཞུས་པ།། ཆོས་ཀྱི་སྐུ་དང་ཡེ་ཤེས་ལས། འོད་འབྱུང་བ་ནི་ཇི་ལྟ་བུ་ལགས་ཞེས་གསོལ་པ་དང་། སངས་རྒྱས་ཀྱིས་གསུངས་པ། འདི་ལྟར་ཕྱོགས་བཅུའི་འཇིག་རྟེན་གྱི
94a4 ཁམས་རྡུལ་ཕྲ་མོ་དག་ཏུ་བྱས་ནས། ཆོས་ཀྱི་སྐུར་སྟོན་པ། རྨད་དུ་བྱུང་བའི་བྱང་ཆུབ་ཀྱི་སེམས་ཆོས་ཀྱི་སྐུའི། ཡེ་ཤེས་ཀྱི་འོད་དེ་དེ་ཙམ་མོ།། དེ་བཞིན་ཡེ་ཤེས་འོད་ཀྱང་བསམ་མི་ཁྱབ།། སྲིད་གསུམ་ནམ་མཁའི
94a5 མས་པས་འོད་ཕུང་གསལ།། བསྐལ་པའི་ཞིང་གི་རབ་འབྱམས་ཇི་ཙམ་གྱི།། སེམས་ཅན་ཀུན་ལ་ཐུགས་རྗེའི་འོད་དེ་ཙམ།། སྤྱོད་དང་མི་སྤྱོད་གཡོ་དང་མི་གཡོ་ཞེས་བཀའ་སྩལ་ཏོ།། བློ་དང་ཡེ་ཤེས་རིག་པའི་འོད
94a6 ཀྱང་རྨད་དུ་བྱུང་བའོ།། དེ་སྙེད་དུ་སངས་རྒྱས་ཀྱི་འོད་འབྱུང་བ་ནི་ཆེའོ།། རང་རིག་པའི་ཡེ་ཤེས་ཀྱི་འོད་འབྱུང་བ་ནི་ཤིན་ཏུ་གསལ་ལོ།། དེའི་ཕྱིར་ནམ་མཁའ་དང་ཉི་ཟླའི་འོད་འདྲ་བ་མ་ཡིན་པས། འོད་ནི་ཀུན
iiif viewer powered by OpenSeadragon
