| e-texts navigator |
| Wylie |
93b1 གཤེགས་པ་འདི་དག་ཐམས་ཅད་དང་། དགོངས་པ་ཆས་ཉིད་ཀྱི་ཐིག་ལེར་གསལ་ཞིང་དག་པའི་ཕྱིར། བྱང་ཆུབ་སེམས་དཔའ་དང་། སེམས་མ་གཉིས་སུ་མེད་པར་སྦྱོར་བས། རྩ་བ་དང་བཅས་པའི་སྡུག་བསྔལ་གྱི
93b2 རྒྱ་མཚོ་རྩ་བ་མེད་པའི་དོན་གྱིས་སྐེམ་སྟེ། ཡེ་ཤེས་ཀྱི་སྣང་བ་ཆེན་པོ་ཡང་དག་པ་རང་རིག་པ་ཉིད་ལས་འཆར་བར་སྟོན་པ་ནི། རྩ་བའི་དོན་དང་སྦྱར་རོ།། དེ་ལ་ཚིག་གི་དོན་ལ་རྣམ་པ་གསུམ་སྟེ། ཚིག་ཉུང་ལ་དོན་ཆེ།
93b3 བར་བསྟན་པ་དང་། འབྲས་བུ་སྐུ་གསུང་ཐུགས་སུ་བསྟན་པ་དང་། ཚིག་སྡེབ་སྦྱོར་ལེགས་པར་བསྟན་པའོ།། དེ་ལ་ཚིག་གི་དོན་ཡང་། བྱང་ཆུབ་སེམས་རྨད་དུ་བྱུང་བ་འདི་ནི་བཅོམ་ལྡན་འདས་དཔལ་ཀུན་ཏུ་བཟང
93b4 པོའི་ཐུགས་ཀྱི་དགོངས་པ་བདེ་བའི་དབྱིངས་ནས། དུས་གསུམ་གྱི་བདེ་བར་གཤེགས་པ་རྣམས་ཀྱི་དོན་དུ་ཐུགས་ཀྱི་གསང་བ་དཀྱིལ་འཁོར་ནས་ལྗགས་ཀྱི་དབང་པོར་བཀྲམ་སྟེ་བཤད་པ་ནི་ཚིག་གི་དོན་ནོ།། འབྲས
93b5 བུ་སྐུ་གསུང་ཐུགས་སུ་བསྟན་པ་ནི།། ཡེ་ནས་ཡོད་ཅིང་རྟག་པར་བཞུགས།། འགྱུར་བ་མེད་པས་བསོད་ནམས་སྐུ།། བསམ་གྱིས་མི་ཁྱབ་སྤྲུལ་པའི་སྐུ།། ལྷུན་གྱིས་གྲུབ་པས་ལོངས་སྤྱོད་རྫོགས་པའི་སྐུ།། བྱ་བཙལ
93b6 མེད་པས་སྙིང་པོ་བྱང་ཆུབ་སྐུ།། སྣ་ཚོགས་འབྱུང་བས་ཡེ་ཤེས་ཆོས་ཉིད་སྐུ།། ཞེས་འབྱུང་བ་ལ་སོགས་པས། སྔགས་ཆེ་བའི་ཡོན་ཏན་ཁྱད་པར་དུ་བྱུང་སྟེ། དཔག་པས་བདེ་གཤེགས་ཆོས་དབྱིངས་སྐུ།། ཆོས་ཀྱི་སྐུ་དེ
iiif viewer powered by OpenSeadragon
