| e-texts navigator |
| Wylie |
91b1 ལྡན་འདས་ནི་སྐྱེ་བོ་ཚད་མེད་པ་རྣམས་ནི་སྣོད་དུ་གྱུར་པར་མཛད་དོ།། སངས་རྒྱས་བཅོམ་ལྡན་འདས་ནི་སྣོད་ཇི་ལྟ་བ་བཞིན་དུ་སྟོན་པར་མཛད་པ་དང་། སྣོད་ཇི་ལྟ་བ་བཞིན་དུ་སེམས་ཅན་རྣམས་ཀྱི་དོན་མཛད་པ
91b2 དང་། ཇི་ལྟར་འདུལ་བ་བཞིན་དུ་སེམས་ཅན་རྣམས་ཀྱི་དོན་མཛད་པ་དང་།། མོས་པ་ཇི་ལྟ་བ་བཞིན་དུ་སེམས་ཅན་རྣམས་ཀྱི་དོན་མཛད་པ་ཡིན་པས། ཐུགས་སུ་ཆུད་དེ་མཁྱེན་ཅིང་སྣོད་དང་སྦྱར་ནས་གསུངས་པ
91b3 ཡིན་ནོ།། སེམས་དཔའ་ཆེན་པོ། གསུང་ནི་རྡོ་རྗེ་སྒྲས་ཉིད་དོ།། སྦྱོར་བ་བྱང་ཆུབ་སེམས་ནི་ལུས་ངག་ཡིན་གསུམ་སོ་སོ་མ་ཡིན་པ་ཐ་མི་དད་པ། གཉིས་སུ་མེད་པར་རིག་ལ་རིག་པར་བྱེད་པ་ནི་སྦྱོར་བའོ།། སྒྲོལ་བ་ནི
91b4 ལུས་དང་ངག་དང་སེམས་དབྱེར་མེད་པ་ནི་རྡོ་རྗེའོ།། རྡོ་རྗེ་ནི་གང་ན་ཡང་མི་གནས་པ་དང་། ཆོས་ཐམས་ཅད་གང་ན་ཡང་མི་གནས་པ་ཉིད་དུ་གྱུར་པ་ཉིད་སྒོམ་པའོ།། ཆོས་ཆེན་པོ་རྨད་དུ་བྱུང་བའི་གསང་བའི་རྒྱུད་དུ
91b5 གྱུར་པས་གསང་བ་ཆེན་པོ་འབུམ་སྡེ་ལས། རྡོ་རྗེ་སེམས་དཔའ་རིག་པར་བསྟན་པ། གསང་བ་ཐམས་ཅད་ཀྱི་གསང་བའི་མཆོག། རྨད་དུ་བྱུང་བའི་མན་ངག་བསྟན་པའི་ལེའུ་སྟེ་ཉི་ཤུ་རྩ་ལྔ་པའོ།། །། ལེའུ
91b6 འདིས་རྨད་དུ་བྱུང་བའི་དོན་སྐྱོན་ཐམས་ཅད་ཉམས་པ་བསྐང་བའི་དོན་བསྟན་ཏེ། རྡོ་རྗེ་སེམས་དཔས་སྟོན་པ་ལ་ཞུས་པ། ཆོས་ཆེན་པོ་རྨད་དུ་བྱུང་བའི་ཐུགས་རྗེ་ཆེན་པོ་ཇི་ལྟ་བུ། ཀུན་རིག་ཆོས་ཀྱི་རྗེ་སྟོན་པས
iiif viewer powered by OpenSeadragon
