| e-texts navigator |
| Wylie |
90a1 དོ།། ཡང་ངེས་དོན་འདི་བཀའ་སྩལ་ཏོ།། རྡོ་རྗེ་སེམས་དཔའ་ཡི་དམ་ལྷ་མེད་པས།། རྣལ་འབྱོར་དབང་ཕྱུག་གཞན་ལ་བརྟེན་མི་དགོས།། བྱང་ཆུབ་རྙེད་དཀའ་རྒྱལ་བ་ང་ཡི་སྐུ།། དུས་གསུམ་སངས་རྒྱས
90a2 རྣམས་ཀྱིས་རྟོགས་དཀའ་བ།། རང་རིག་ཆེན་པོ་རྟོགས་དཀའ་ང་ཡི་དབྱིངས།། སངས་རྒྱས་གཞན་ན་ཡོད་པ་མ་ཡིན་ནོ།། ཡང་གསུངས་པ། ང་མི་མཉམ་པ་དང་མཉམ་པའི་ལྷག་པའི་ཡེ་ཤེས་དང་།། ཆེ་བའི་ཡོན་ཏན
90a3 རྫོགས་པའི་ཆོས་ཀུན་ཐུགས་སུ་ཆུད་པས་ཁམས་གསུམ་ལས་རྣམ་པར་རྒྱལ་བའི་བྱང་ཆུབ་སེམས་རྨད་དུ་བྱུང་བ་ཉིད་ཡིན་ནོ།། བྱང་ཆུབ་སེམས་རྨད་དུ་བྱུང་བའི་དམ་ཚིག་བརྒྱད་ནི། ཡེ་ནས་མ་སྐྱེས་པ་དང་། ཡེ་ནས
90a4 མ་བྱུང་བ་དང་། ཡེ་ནས་མི་གནས་པ་དང་། ཡེ་ནས་སྟོང་པ་དང་། མེད་པ་དང་། ཕྱལ་པ་དང་། གཅིག་པུ་དང་། ལྷུན་གྱིས་གནས་པ་དང་བརྒྱད་དོ།། དེ་ལས་སྐྱེས་པས་མིང་ཆེའོ།། གདོད་ནས་མ་བྱུང་བས་མི
90a5 འགྲོའོ།། མི་གནས་པས་མྱ་ངན་ལས་འདས་པའོ།། གཟུང་འཛིན་དང་བྲལ་བས་ཡེ་ནས་སྟོང་པའོ།། མེད་པས་དམ་ཚིག་གོ། གཅིག་བསྲུངས་པས་ཀུན་ཐུབ་པས་བསྲུངས་པའོ།། ཕྱལ་པས་དམ་ཚིག་ལ་ཕྱོགས་རིས
90a6 མེད་པ་གྲངས་ལས་འདས་པའོ།། སྟོང་སྤྱི་ཕུད་ཡིན་ཏེ་གང་ན་གཞན་མེད་པས་གཅིག་པུ་ཨ་ཏི་ཡོ་གའི་དམ་ཚིག་རྟག་པ་གཡུང་དྲུང་དུ་གནས་པས་མི་འགྱུར་ཏེ། ལྷུན་གྱིས་གནས་པའོ།། རྨད་དུ་བྱུང་བའི་དམ་ཚིག་ཉི
iiif viewer powered by OpenSeadragon
