| e-texts navigator |
| Wylie |
8a1 བཞུགས།། བྱང་ཆུབ་སྤྱོད་པ་སྣ་ཚོགས་མཆོག། བཞུགས་བསམ་བདུད་ལས་རྒྱལ་ལ་སོགས།། ཀུན་ཏུ་སྐུ་དང་ཐེག་ཀུན་དང་།། མི་བསྐྱོད་ལ་སོགས་ཏེ་རྩིབས་གནས།། རིན་ཆེན་རལ་གྲི་པདྨ་དང་།། རྡོ་རྗེ
8a2 གན་དྷེ་འཁོར་ལོ་སྟེ།། ཨུཏྤལ་སྤོས་ཏོག་མར་མེ་དྲི།། སྲོག་ཤིང་མེ་ལོང་ལ་སོགས་ལ།། ངོ་མཚར་སྒྱུ་འཕྲུལ་ཕྱག་རྒྱ་ནི།། འཁོར་ལོ་ལས་ནི་སྣ་ཚོགས་འབྱུང་།། དེ་ཉིད་འདོད་ཆགས་འདོད་ཆགས་བྲལ།། འཇིག་རྟེན
8a3 གསུམ་དང་ཁམས་གསུམ་དང་།། དུས་གསུམ་སྲིད་གསུམ་མཆོག་གསུམ་དང་།། རྣམ་པར་གྲོལ་དང་མ་གྲོལ་དང་།། མཉམ་དང་མི་མཉམ་ལ་སོགས་པ།། འཁོར་ལོའི་ཚུལ་དུ་རྣམ་པར་བསྐོར།། རྣམ་པ་སྣ་ཚོགས་ཐ
8a4 དད་པའི།། དཀྱིལ་འཁོར་མ་ལུས་བསམ་ཡས་དང་།། འགྲོ་བ་དག་ནི་མ་ལུས་ཀུན།། ཆོས་ཀྱི་དབྱིངས་དང་མི་མཉམ་པའི།། དམ་པ་རྒྱ་མཆོག་མ་ལུས་ཕྱིར།། སངས་རྒྱས་ཐམས་ཅད་མཉམ་སྦྱོར་བའི།། རྡོ་རྗེ་སེམས
8a5 དཔའ་དེ་བཞིན་གཤེགས།། བྱང་ཆུབ་སེམས་ཉིད་རྡོ་རྗེ་སྟེ།། སངས་རྒྱས་ཀུན་གྱི་བདག་ཉིད་ཡིན།། དབང་པོ་མཆོག་གི་དཀྱིལ་འཁོར་དུ།། སངས་རྒྱས་དཀྱིལ་འཁོར་ཀུན་རྫོགས་པས།། རྡོ་རྗེ་སེམས་དཔའ་ནམ
8a6 མཁའ་ཆེ།། ཀུན་བཟང་ཡངས་པ་ཆོས་ཀྱི་དབྱིངས།། རྣམ་དག་ལམ་ཆེན་ཀུན་སྒྲོལ་ཕྱིར།། མི་སྐྱེ་མི་འགག་ཅིར་མི་དགོངས།། བདེ་བ་ཆེན་པོའི་རྒྱུད་ལས་གསང་བའི་མན་ངག་གི་སྙིང་པོའི་དཀྱིལ་འཁོར་ཡོངས་སུ
iiif viewer powered by OpenSeadragon
