| e-texts navigator |
| Wylie |
89b1 ཆུབ་འདོད་པ་དེ་ལ་བྱང་ཆུབ་མེད།། ས་དང་རྣམ་ཐར་བྱང་ཆུབ་མཆོག་ལ་རིང་།། འདི་འདྲའི་ཆོས་ཉིད་གང་གིས་རིག་གྱུར་པ།། དེས་ནི་བྱང་ཆུབ་མྱུར་དུ་ཐོབ་པར་འགྱུར།། བྱང་ཆུབ་སེམས་རྨད་དུ་བྱུང་བ་ལས་རྩ་བ
89b2 དང་བྲལ་བའི་ལེའུ་སྟེ་ཉི་ཤུ་རྩ་གསུམ་པའོ།། །། དེ་ནས་ས་བཅུ་མནན་པ་ཞེས་བྱ་བའི་ཏིང་ངེ་འཛིན་ལ་ཞུགས་ནས། ཡང་འདི་སྐད་ཅེས་གསུངས་སོ།། ཕ་རོལ་ཕྱིན་བཅུ་ལྷུན་གྱིས་རྫོགས་པ་ཡི།། བྱང་ཆུབ
89b3 སེམས་འདི་རྨད་དུ་བྱུང་།། རྨད་བྱུང་བྱང་ཆུབ་སེམས་འདི་ནི།། ཆོས་ཐམས་ཅད་ཀྱི་ཕ་རོལ་ཏུ་ཕྱིན་པ་ཡིན་པས་ཆོས་ཐམས་ཅད་ཀྱི་མཛོད་ཡིན་ནོ།། ཟད་མི་ཤེས་པའི་མཛོད་ཡིན་ནོ།། བླ་ན་མེད་པའི་བྱང་ཆུབ་ཏུ
89b4 མངོན་པར་རྫོགས་པར་སངས་རྒྱས་པ་ཡིན་ནོ།། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལས། དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་ཀྱང་འདི་ཡིན་ནོ།། ཆོས་ཐམས་ཅད་ཀྱི་ཆོས་ཉིད་འདི་ནི་ངོ
89b5 མཚར་ཆེའོ།། བྱང་ཆུབ་ཀྱི་སེམས་ནི་ཐམས་ཅད་མཁྱེན་པ་ཐོབ་པ་སྟེ་མཁྱེན་ཏོ།། སངས་རྒྱས་ནི་རྣམ་པ་ཐམས་ཅད་མཁྱེན་པའི་ཡེ་ཤེས་ཐོབ་པ་སྟེ་ཡེ་ཤེས་སོ།། ལུས་ལས་བྱུང་བའི་ཆོས་ལ་ཀུན་ཏུ་སྤྱོད་པའོ།། སེམས
89b6 ལས་ཀུན་འབྱུང་བའི་ཆོས་ལ་སྤྱོད་པའོ།། ངག་ལས་ཀུན་འབྱུང་བའི་ཆོས་སྤྱོད་པའོ།། ཆོས་ལས་ཀུན་འབྱུང་བའི་ཆོས་སྤྱོད་པའོ།། ཡུལ་བཱ་ར་ཎཱ་སཱིའི་གོས་བཞིན་དུ།། སོ་སོའི་འགོག་པ་མེད་པར་ཐུགས་སུ་ཆུད
iiif viewer powered by OpenSeadragon
