| e-texts navigator |
| Wylie |
88b1 སྡིག་པ་ཅི་སྤྱད་ཀྱང་།། རྣམ་གྲོལ་བླ་མེད་འབྲས་བུ་འགྲུབ།། སངས་རྒྱས་ཆོས་དང་དགེ་འདུན་དང་།། བླ་ན་མེད་པ་ཐམས་ཅད་ཀྱང་།། ང་ཡི་བྱང་ཆུབ་སེམས་ལ་གནས།། མཚན་དང་དཔེ་བྱད་ཀུན་ལས་འདས།། ཡིད
88b2 བཞིན་ནོར་བུ་རིན་ཆེན་ལྟར།། མ་བསམ་ལྷུན་གྱིས་གྲུབ་པའི་སྐུ། ཁམས་གསུམ་འདི་ནི་གཅིག་པུ་གནས།། གཅིག་པུ་རབ་ཏུ་ཆེ་བའི་ས།། གསང་བ་མཆོག་གིས་དགྱེས་པ་ན།། ཐམས་ཅད་བདག་ཉིད་གཅིག་པུ
88b3 བཞུགས། ཁམས་གསུམ་མེད་པར་གནས་མེད་པས།། སེམས་དང་ཆོས་ཉིད་གཅིག་པུར་འདུས།། གསང་བ་མཆོག་གི་བདེ་བ་བསྟན་པའི་ལེའུ་སྟེ་ཉི་ཤུ་གཅིག་པའོ།། །། ལེའུ་འདིས་ལྟ་བ་རྨད་དུ་བྱུང་བ
88b4 བསྟན་ཏེ། ཀྱེ་གྲོགས་པོ་དག། བྱང་ཆུབ་སེམས་ནི་མངོན་སངས་རྒྱས།། འདི་དོན་དེ་ལྟར་གང་རིག་པ།། རྣལ་འབྱོར་རྟག་ཏུ་བདེ་བ་གནས།། དམྱལ་བའི་གནས་ནི་བླ་མེད་ལམ།། དམྱལ་བའི་གནས་ན་དེ
88b5 ལྟར་སྤྱོད།། གནོད་སྦྱིན་སྲིན་པོ་གཤིན་རྗེའི་ཚོགས།། སངས་རྒྱས་ཡིན་པར་ཀུན་གྱིས་མཐོང་།། དངོས་ལ་དམྱལ་བའི་རྒྱུ་མི་གནས།། དམྱལ་བའི་རྒྱུ་མེད་ཀུན་གྱི་རིག། དམྱལ་བའི་མེ་ལྕེའི་ཕྲེང་བ་རྣམས།། བྱང་ཆུབ
88b6 སེམས་ཡིན་གནོད་པ་འཇིལ།། དེ་ཕྱིར་སངས་རྒྱས་རྣལ་འབྱོར་མེད།། དེ་ན་ལམ་མེད་འགྲོ་བའང་མེད།། སངས་རྒྱས་མེད་དེ་རྒྱུ་ཡང་མེད།། བྱང་ཆུབ་མེད་དེ་མིང་ཡང་མེད།། བྱང་ཆུབ་ཉིད་ཀྱི་ས་ཡང་མེད།། སེམས
iiif viewer powered by OpenSeadragon
