| e-texts navigator |
| Wylie |
88a1 གསུང་ཐུགས་རྨད་དུ་བྱུང་བ་ཉིད་དོ།། དུས་གསུམ་རྨད་དུ་བྱུང་བ་ཉིད་དོ།། སྲིད་པ་གསུམ་རྨད་དུ་བྱུང་བ་ཉིད་དོ།། ཁམས་བླ་ན་མེད་པ། གསང་བ་མཆོག་གི་དཀྱིལ་འཁོར་བླ་ན་མེད་པའི་ལེའུ་སྟེ་ཉི་ཤུ
88a2 པའོ།། །། ལེའུ་འདིས་གསང་བ་མཆོག་གི་བདེ་བ་ཆེན་པོ་བསྟན་ཏེ། ཀྱེ་སེམས་དཔའ་ཆེན་པོ། དེ་བས་སངས་རྒྱས་མ་ཡིན་པའི།། སེམས་ཅན་སེམས་ཀྱི་རྒྱུ་ནི་གང་།། བྱང་ཆུབ་སེམས་ནི་མ་ཡིན་པའི།། ཆོས
88a3 དང་ཆོས་ཉིད་དངོས་ནི་གང་།། དཀྱིལ་འཁོར་དཀྱིལ་འཁོར་གསུངས་པ་ཉིད།། རྫོགས་པའི་དཀྱིལ་འཁོར་བདག་ལ་འདུས།། དཀྱིལ་འཁོར་དཀྱིལ་འཁོར་ཞེས་བྱ་བ།། ཡེ་ཤེས་དཀྱིལ་འཁོར་ཐུགས་ལ་གནས།། རྡོ
88a4 རྗེ་ཡེ་ཤེས་མཆོག་ཉིད་ནི།། བདག་གི་སྦྱོར་བ་བསྟན་པའོ།། ཐམས་ཅད་རང་བྱུང་དཀྱིལ་འཁོར་རོ།། དཀྱིལ་འཁོར་ལྔར་མ་འདུས་པའི་ཆོས་དེ་ནི།། སངས་རྒྱས་ཉིད་ལའང་མི་མངའོ།། ཀྱེ་སེམས་དཔའ་ཆེན་པོ། སྐྱེ
88a5 འི་སེམས་ཅན་ཐམས་ཅད་ཀྱང་།། དབྱིངས་གསུམ་རྣམ་པར་དག་པ་ཡི།། སྐྱེ་བ་མེད་པའི་སངས་རྒྱས་ཡིན།། བྱང་ཆུབ་སེམས་ཀྱི་ངོ་བོ་འདི།། སངས་རྒྱས་གསང་བ་ཉིད་ལས་གསུངས།། གང་ཕྱིར་སངས་རྒྱས་ཉིད
88a6 ལ་གསུངས།། བྱང་ཆུབ་སེམས་ནི་སྤུ་གྲིའི་སོ།། ཏིལ་མར་ངར་བཏགས་རལ་གྲི་བཞིན།། བྱང་ཆུབ་སེམས་ནི་ཡོངས་ཀྱི་ལམ།། སྐྱོན་གྱིས་མ་གོས་པདྨ་བཞིན།། བསྐལ་པར་འབར་བའི་མེ་བཞིན་དུ།། སྡུག་བསྔལ
iiif viewer powered by OpenSeadragon
