| e-texts navigator |
| Wylie |
86a1 འདི་ནི་དེ་བཞིན་གཤེགས་པའི་རིགས་རྣམ་པར་སྣང་མཛད་མངོན་པར་རྫོགས་པར་སངས་རྒྱས་པའི་དཀྱིལ་འཁོར་ཏེ། ཁམས་གསུམ་རྣམ་པར་རྒྱལ་བའི་དཀྱིལ་འཁོར་རོ།། སྐུ་ནི་སྙིང་པོ་བྱང་ཆུབ་ན
86a2 བཞུགས་པའི་རང་བྱུང་ཡེ་ཤེས་ཀྱི་སྐུའོ།། བྱང་ཆུབ་སེམས་ནི་ཆོས་ཉིད་བྱང་ཆུབ་སེམས་སོ།། ཕྱག་རྒྱ་ནི་བྱང་ཆུབ་མཆོག་གི་ཕྱག་རྒྱའོ།། ཞལ་ནི་ཕྱོགས་བཞིར་གཟིགས་སོ།། དེའི་ཕྱིར་རྣམ་པར་སྣང་མཛད་ཀུན་ཏུ
86a3 ཞལ་ཞེས་བྱའོ།། གསང་བའི་རྒྱུད་ལས་བཤད་པ་ཡིན་ནོ།། ས་ནི་ཡེ་ཤེས་བླ་མའི་ས་ཉིད་དོ།། སེམས་དཔའ་ཆེན་པོ། གཟུགས་ཀྱི་ཕུང་པོ་ལས་ཚོར་བ་སྣ་ཚོགས་རང་བྱུང་བ་ནི།། ཚོར་བའི་ཕུང་པོ་སྟེ་རིན་པོ་ཆེའི
86a4 རིགས་ལྷུན་གྱིས་གྲུབ་པའི་ལྷ་དང་ལྷ་མོ་དང་། སེམས་དཔའ་དང་སེམས་མ་ལ་སོགས་པ་རིན་པོ་ཆེའི་རིགས་ལྷུན་གྱིས་རྫོགས་པ་སྟེ། དེ་ལ་གཅིག་ཏུ་འདུས་ཏེ་རང་བཞིན་མེད་པ་ནི་དཀྱིལ། མང་པོ་ཚོགས་པ་ནི
86a5 འཁོར་ཏེ། རིན་ཆེན་འབྱུང་ལྡན་མངོན་པར་རྫོགས་པར་སངས་རྒྱས་པ་ནི། རིན་ཆེན་འབྱུང་ལྡན་ཞེས་བྱ་བའི་དཀྱིལ་འཁོར་ཆེན་པོ་སྟེ། དབང་ཆེན་རོལ་པའི་དཀྱིལ་འཁོར་རོ།། བྱང་ཆུབ་སེམས་ནི་བྱང་ཆུབ
86a6 སེམས་ཐུགས་ནི་རིན་པོ་ཆེའོ།། ཕྱག་རྒྱ་ནི་དབང་སྦྱིན་པའི་ཕྱག་རྒྱའོ།། སྐུ་ནི་རིན་ཆེན་འབྱུང་ལྡན་སྐུའོ།། ས་ནི་ཡི་གེ་འཁོར་ལོ་ཚོགས་ཆེན་གྱི་སའོ།། ཀྱེ་སེམས་དཔའ་ཆེན་པོ།། ཚོར་བའི་ཕུང་པོ་ལས་འདུ་ཤེས་རྣམ
iiif viewer powered by OpenSeadragon
