| e-texts navigator |
| Wylie |
85b1 ཉིད་བྱ།། འདི་ནི་སངས་རྒྱས་ཐམས་ཅད་དཔལ།། སངས་རྒྱས་རྣམས་ཀྱི་ཡེ་ཤེས་ཀྱི།། ཤེས་རབ་མ་ལུས་ཕུན་སུམ་ཚོགས།། འདི་འདྲའི་དཀྱིལ་འཁོར་བླ་ན་མེད།། སངས་རྒྱས་དེ་བཞིན་གཤེགས་པས
85b2 གསུངས།། ཐེག་པ་གསུམ་གྱི་ངེས་འབྱུང་ལ།། ཐེག་པ་གཅིག་གི་འབྲས་བུར་གནས།། བྱང་ཆུབ་སེམས་བསྒོམ་པ་རྨད་དུ་བྱུང་བའི་ལེའུ་སྟེ་བཅུ་དགུ་པའོ།། །། ལེའུ་འདིས་གསང་བ་མཆོག་གི་བདེ་བ་རྨད་དུ
85b3 བྱུང་བ་བསྟན་ཏེ། སེམས་དཔའ་ཆེན་པོ། སྨན་མཆོག་ནད་མེད་བདེར་འཚོ་བ།། དུས་གསུམ་སྨན་མཆོག་བྱང་ཆུབ་སེམས།། འཇིག་རྟེན་སྨན་རྣམས་འདི་ཡིན་ནོ།། བྱང་ཆུབ་སེམས་ཀྱི་བྱས་པ་རྣམས།། དགེ་ཚུལ
85b4 དཔག་བསམ་ལྗོན་ཤིང་བཞིན།། རྟག་ཏུ་བྱང་ཆུབ་བདེ་བ་ཡིས།། བྱང་ཆུབ་མཆོག་གི་སྙིང་པོར་འགྱུར།། སེམས་དཔའ་ཆེན་པོ། ཕུང་པོ་ལྔ་རིགས་ལྔ། རིགས་ལྔ་རྫོགས་པའི་ལྷུན་གྱིས་གྲུབ་པའི་གསང་བའི་དཀྱིལ
85b5 འཁོར་ཡིན་ལ། ཡང་དག་པའི་དཀྱིལ་འཁོར་ནི། གཟུགས་ཀྱི་མཚན་ཉིད་མང་པོ་སྣ་ཚོགས་པར་བྱུང་བ་རྣམས་ནི། དེ་བཞིན་གཤེགས་པའི་རིགས་ཀྱི་ལྷ་དང་། ལྷ་མོ་དང་། སེམས་དཔའ་དང་སེམས་མ་ལ་སོགས་པ།
85b6 དེ་བཞིན་གཤེགས་པའི་ལྷུན་གྱིས་གྲུབ་པར་གནས་པ་ལ་བྱའོ།། དེའི་དོན་ནི་འདུས་པ་དང་། ཚོགས་པ་དང་ཡོངས་སུ་རྫོགས་པས། དེ་ལ་ཚོགས་ཤིང་འདུས་པ་ནི་དཀྱིལ་ལོ།། མཚན་ཉིད་སོ་སོར་སྣང་བ་ནི་འཁོར་ཏེ།
iiif viewer powered by OpenSeadragon
