| e-texts navigator |
| Wylie |
84b1 པའོ།། །། ལེའུ་འདིས་བྱང་ཆུབ་སེམས་བསྒོམ་པའི་དོན་བསྟན་ཏེ། ཁམས་གསུམ་རིན་ཆེན་རྙེད་པའི་མི།། ཇི་ལྟར་འདོད་པ་བཞིན་དུ་འགྲུབ། ཁམས་འདི་ཡིད་བཞིན་ཉིད་དུ་འགྱུར།། སེམས་དཔའ་ཆེན་པོ།།
84b2 སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ནི། ཡིད་བཞིན་གྱི་ནོར་བུ་རིན་པོ་ཆེ་ཉིད་ཡིན་ནོ།། འདི་སྐད་གསུངས་པའི་ཆོས་ཐོས་ནས།། རྡོ་རྗེ་སེམས་དཔའ་དཔའ་བོ་ཡང་།། འཇིགས་ཤིང་སྔངས་ནས
84b3 སྟན་ལས་ལངས།། མཆོད་པ་སྣ་ཚོགས་བྱས་ནས་ཀྱང་།། དགའ་བའི་ཚིག་གིས་འདི་སྐད་གསོལ།། སྣང་མཛད་རྡོ་རྗེ་རྒྱལ་ཅན་མ།། དཀའ་བའི་བསམ་པས་བསྟོད་བྱེད་པ།། སངས་རྒྱས་ཀུན་པས་སྔར་སངས
84b4 རྒྱས།། མི་ཤེས་དྲི་མ་ཡོངས་ནས་མེད།། དཔལ་གྱི་རྣམ་རྒྱལ་དེ་བཞིན་དུ།། ལོངས་སྤྱོད་དབང་ཕྱུག་དཔལ་དང་ལྡན།། རྡོ་རྗེ་ཉི་མ་གཟི་བརྗིད་དང་། ཁ་དོག་ཤིན་ཏུ་འབར་བ་ཡིས།། བཞད་ཅིང་རྨད་དུ་མཛད་པ
84b5 ཡིས།། དགའ་མགུ་རངས་པ་རྣམས་སུ་འགྱུར།། པདྨ་བཞད་པས་ཆོས་ཀུན་གྱི།། རྟོགས་མཛད་སངས་རྒྱས་ཐམས་ཅད་ཀྱིས།། བྱང་ཆུབ་སེམས་འདི་བརྙེས་གྱུར་ནས།། སྐད་ཅིག་ཉིད་ལ་དོན་རྟོགས་ཏེ།། སྙིང་པོ
84b6 བྱང་ཆུབ་ཉིད་དུ་འགྱུར།། རྡོ་རྗེ་གདན་ལ་ཡང་སངས་རྒྱས།། ལམ་འདི་རྫོགས་པའི་བྱང་ཆུབ་སེམས།། ཕྱི་མ་འབྱུང་བར་བདེ་བ་དང་།། སངས་རྒྱས་ཉིད་ལ་རྫོགས་འགྱུར་ཏེ།། སངས་རྒྱས་ཉིད་དང་སྐལ་པ
iiif viewer powered by OpenSeadragon
