| e-texts navigator |
| Wylie |
83b1 ལ།། སེམས་ཅན་སྐྱེ་བའི་རྒྱུ་མི་གནས།། མ་རིག་མེད་པར་འཁོར་བའང་མེད།། མྱ་ངན་མི་འདའ་རྟག་པར་བཞུགས།། མྱ་ངན་འདས་པའི་ལམ་ཡང་མེད།། སྲིད་པའི་ཆོས་ལ་རང་བཞིན་མེད།། ལུས་དང་ངག་སེམས
83b2 དག་པ་ལས།། ཆོས་རྣམས་རང་བཞིན་དག་པར་ཟད།། སེམས་ཅན་མེད་དེ་སངས་རྒྱས་མེད།། སངས་རྒྱས་ལམ་ལ་མི་གནས་ཏེ།། འཁོར་བའི་སྐྱོན་གྱིས་མི་གོས་ཤིང་།། རྣམ་པར་ཐར་པའི་སྒོ་ལས་འདས།། དེ་ནས
83b3 བཅོམ་ལྡན་འདས་རྣམ་པར་སྣང་མཛད་ཆེན་པོ། སྙིང་པོ་བྱང་ཆུབ་ན་བཞུགས་པའི་སྐུ་ལ། སངས་རྒྱས་ཐམས་ཅད་དད་པས་འདུས་ནས། ཚིག་མཐུན་པར་འདི་སྐད་ཅེས་གསོལ་ཏོ།། འཇིག་རྟེན་མཁས་པས་རྫོགས
83b4 སངས་རྒྱས།། གང་གིས་ཐོག་མར་བྱང་ཆུབ་སེམས།། བླ་མེད་དཀྱིལ་འཁོར་བསྒོམ་པ་རྣམས།། སྙིང་པོ་བྱང་ཆུབ་བཞུགས་པར་གསུངས།། འཛམ་བུ་གླིང་དུ་གསུངས་པ་ཡི།། ད་ལྟར་བཞུགས་དང་འདས་པ་དང་།། མ
83b5 འོངས་སངས་རྒྱས་མཛད་པ་རྣམས།། ཐམས་ཅད་དོན་དུ་བཤད་པར་གསོལ།། དེ་ནས་སྐྱོབ་པ་སངས་རྒྱས་རྣམས།། གསུངས་པ་འདི་ནི་ཡང་དག་བཤད།། བྱང་ཆུབ་སེམས་ནི་མ་ཡིན་པའི། ཁམས་གསུམ་གནས་པའི
83b6 སེམས་ཅན་ལ།། ཕན་པའི་སྨན་ནི་གཞན་མེད་དེ།། བྱང་ཆུབ་སེམས་ཀྱི་དོན་རིག་ན།། འཁོར་བའི་ཆོས་ནི་རྒྱུ་མེད་དེ།། མྱུར་དུ་བྱང་ཆུབ་ཀུན་གྱིས་ཐོབ།། མི་སྐྱེ་མི་འཇིག་བདེ་ལ་གནས།། སྐུ་གསུང་ཐུགས་ཀྱི་གསང
iiif viewer powered by OpenSeadragon
