| e-texts navigator |
| Wylie |
82a1 བར་གཤེགས་པ་ཐམས་ཅད་འབྱུང་བའི་གནས། སེམས་ཅན་གྱི་རྣམ་པར་ཤེས་པའི་ཚོགས་བརྒྱད་ནི། གསང་བ་འདུས་པའི་ཡེ་ཤེས་ཀྱི་དཀྱིལ་འཁོར། རང་ལས་བྱུང་བའི་ཡེ་ཤེས་ཀྱི་ལྷ་ཉིད་དོ།། རྣམ
82a2 པར་ཤེས་པའི་ཚོགས་བརྒྱད་ནི། མཆོད་པའི་ལྷ་མོ་བརྒྱད་དང་། དངོས་གྲུབ་ཀྱི་རྫས་ཉིད་དོ།། སེམས་དཔའ་ཆེན་པོ་དང་། སྒོ་ལྔའི་རྣམ་པར་ཤེས་པ་ནི། ཤེས་རབ་ཟབ་མོའི་སྒོ་དང་། གསང་བའི་རྒྱུད་མཐར་ཕྱིན་མི
82a3 འགོག་པའི་སྒོ་དང་། ཆོས་ཉིད་ཀྱི་འཁོར་ལོ་བསྐོར་བའི་སྒོ་དང་། སྐུ་གསུང་ཐུགས་ཉིད་དུ་གྱུར་པའི་སྒོ་དང་། འབྲས་བུ་ཡོད་པའི་སྒོའོ།། སེམས་ཅན་གྱི་སྒོ་ལྔའི་རྣམ་པར་ཤེས་པ་ལ། ཡིད་ཀྱི་དཀྱིལ་འཁོར་གསལ
82a4 བར་གྱུར་པ་ནི། ཡི་གེ་འཁོར་ལོ་ཚོགས་ཆེན་གྱི་གསང་བའི་དཀྱིལ་འཁོར་གསང་བ་ཉིད་དེ། རྣམ་པར་ཤེས་པའི་ཡུལ་དང་། དབང་པོ་རྣམས་ནི་རྣམ་པར་ཤེས་པའི་ཚོགས་ཏེ། མཚན་དང་དཔེ་བྱད་ཀུན་ལས་འདས་པ
82a5 སྟེ་ཡིད་ཀྱི་ལྷའོ།། དེའི་ཕྱིར་ངག་འདས་པའི་སྐུ། ལུས་ད་ལྟར་བྱུང་བའི་སྐུའོ།། སེམས་ནི་མ་བྱུང་བའི་སྐུའོ།། ངག་འདས་པའི་ལམ། ལུས་ད་ལྟར་བཞུགས་པའི་ལམ། སེམས་ཕྱིས་འབྱུང་བའི་ལམ་ཉིད་དོ།། ངག
82a6 འདས་པའི་ཡུལ་ལུས་ད་ལྟར་བཞུགས་པའི་ཡུལ། སེམས་ཕྱིས་འབྱུང་བའི་ཡུལ། སེམས་དཔའ་ཆེན་པོ་དེའི་ཕྱིར། སངས་རྒྱས་ཀྱི་མཁྱེན་པའི་ཡུལ། སངས་རྒྱས་ཉིད་ཀྱི་གསང་བའི་གནས། གསང་བ་རྨད་དུ་བྱུང་བའི
iiif viewer powered by OpenSeadragon
