| e-texts navigator |
| Wylie |
80a1 ན།། སངས་རྒྱས་མཐོང་བ་ཡིད་དུ་འོང་།། འཇིག་རྟེན་ཁམས་རྣམས་དབང་དུ་འགྱུར།། ང་ཡི་ལུས་ཉིད་སྔགས་ཀྱི་ལྷ།། རྟགས་པར་མཆོད་ན་སངས་རྒྱས་འགྲུབ།། གང་གིས་མཆོད་ན་དངོས
80a2 གྲུབ་ཐོབ།། ངག་དང་ཡིད་ཀྱང་ཕྱག་རྒྱ་ཡིན།། སྤྱོད་པ་ཅིར་ཡང་སྤྲུལ་པའི་སྐུ།། དངོས་གྲུབ་མཆོག་རྣམས་བདག་ལས་བྱུང་།། བྱང་ཆུབ་མྱུར་དུ་ཐོབ་པ་ཡིན།། ལུས་དང་ངག་དང་གསང་བའི་གནས།། ནམ་མཁའ
80a3 བཞིན་དུ་མཉམ་པར་གནས།། སེམས་ལ་དམིགས་པ་བདག་མེད་པས།། ལྷ་ཡི་ཏིང་འཛིན་གསང་བའི་སྔགས།། ངོ་བོ་ཉིད་ཀྱིས་དམིགས་སུ་མེད།། ཀྱེ་སེམས་དཔའ་ཆེན་པོ། ང་བྱང་ཆུབ་ཀྱི་སྙིང་པོར་ཞུགས་པའི
80a4 ཚེ།། སྟོང་པའི་ཆོས་ལ་སྟོང་པའི་ཡུལ་དེ་མི་གནས་སོ།། བྱང་ཆུབ་སེམས་ལ་བྱང་ཆུབ་སྒྲུབ་པའི་རྒྱུ་མེད་དེ་མི་གནས་སོ།། སྲིད་པའི་ཆོས་ཐམས་ཅད་ལ་སྲིད་པ་མེད་དེ་མི་གནས་སོ།། ཆོས་ཉིད་ལ་སེམས་མེད་པས།།
80a5 རྣམ་པར་དག་པ་ལ་གཉིས་སུ་མེད་དོ།། སེམས་ཅན་ཐམས་ཅད་མངོན་པར་རྫོགས་པར་སངས་རྒྱས་པའི་ཕྱིར། ཡིད་ལ་བྱེད་པ་མངོན་པར་རྫོགས་པར་སངས་རྒྱས་སོ།། སེམས་ཅན་ཐམས་ཅད་གསང་བ་མཆོག་གི་ཡེ
80a6 ཤེས་ཀྱི་དཀྱིལ་འཁོར་གྱི་ཡེ་ཤེས་ཀྱི་ལྷ་ཉིད་ཡིན་པས། སངས་རྒྱས་ཀུན་གྱིས་གསང་བར་མཛད་པའོ།། ང་ལ་བྱུང་བའི་ཆེན་པོ་ལྔ་ཉིད། ཡེ་ཤེས་གསང་བའི་དཀྱིལ་འཁོར་གྱི་ལྷ་ཉིད་ཡིན་པས། དངོས་གྲུབ་གཞན
iiif viewer powered by OpenSeadragon
