| e-texts navigator |
| Wylie |
7b1 པས། བཅོམ་ལྡན་འདས་ཀྱིས་དམིགས་སུ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ།། ལྟ་བའི་ཀློང་ཉིད་འདི་ལ་སུས་ཀྱང་དཔྱད་དུ་མེད།། སྟོང་པའི་བསམ་གཏན་པ
7b2 ཉིད་ལྟ་བས་ཉམས།། ཡེ་ཤེས་སྤྱི་བླུགས་པ་ལ་ལྟ་མི་མངའ།། རྣམ་རྟོག་བདུད་ཡིན་རྡོ་རྗེ་འཆང་བ་ཉིད། ཁྱུང་ཆེན་མཁའ་རླབས་གཅོད་ལྟར་ཁྱད་པར་ཆེ།། མི་ལྡོག་ཡེ་ཤེས་མཆོག་ས་འདི་ཡང་དག། ཡེ་ཤེས་ཕུགས
7b3 འདི་ཀུན་གྱི་འགྲོ་ཁུང་སྟེ།། མི་གནས་གནས་མེད་མི་རྟོག་ཡངས་པའི་ལམ།། གང་ལ་མི་བརྟེན་གང་ལ་འདི་གནས་མ་ཡིན།། རྡོ་རྗེ་འཛིན་པ་ཆེན་པོས་མཆོག་ཏུ་དགེས་པའི་མཉམ་ཉིད་ཅེས་བྱ་བ་ཇི་ལྟར་ལགས་ཞེས
7b4 གསོལ་པས། བཅོམ་ལྡན་འདས་ཀུན་ཏུ་བཟང་པོའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། ཀུན་གྱི་གསང་མཆོག་དགྱེས་པས་ན།། སྐུ་ཡི་སྐུ་ཉིད་རྟག་ཏུ་བཞུགས།། དེ་ནི
7b5 རང་བྱུང་བཅོམ་ལྡན་འདས།། གཅིག་ཏུ་རབ་ཏུ་ཆེ་བའི་སྐུ།། ཐམས་ཅད་མ་ལུས་མཆོག་གི་བླ།། ཀུན་སྦྱོར་མཉམ་ཉིད་དག་པ་སྟེ།། ངོ་བོ་ཉིད་ཀྱི་མཐུར་ལྡན་པས།། ཆགས་མེད་ཆགས་དང་བྲལ་བའང་མིན།། སངས
7b6 རྒྱས་མ་ལུས་མཉམ་སྦྱོར་ཕྱིར།། དབུ་མར་ཡང་ནི་མི་དམིགས་སོ།། ཀུན་རྫོབ་གཉིས་མེད་ཐེག་པའི་མཆོག། སངས་རྒྱས་ཀུན་གྱི་བདེ་ཆེན་ཡིན།། སངས་རྒྱས་ཀུན་གྱི་བདག་པོ་ཉིད།། རྟག་པ་ཉིད་དུ་རྣམ་པར
iiif viewer powered by OpenSeadragon
