| e-texts navigator |
| Wylie |
79a1 ཉིད་མཆོད་པར་བྱ།། མཆོད་པ་ཀུན་གྱིས་རབ་ཏུ་མཆོད།། ཡིད་བཞིན་རིན་ཆེན་ལ་སོགས་རྣམས།། སངས་རྒྱས་འདོད་ན་བདག་ཉིད་མཆོད།། སངས་རྒྱས་ཞིང་ཁམས་ཐམས་ཅད་དུ།། བདག་ཉིད་ཀུན་གྱི
79a2 ལྷ་ཡིན་པས།། ཀུན་གྱི་མཆོད་པས་བདག་ལ་མཆོད།། སེམས་ཅན་ཐམས་ཅད་བསད་ན་ནི།། རྒྱལ་བ་མཉེས་ཏེ་སྲས་སུ་སྐྱེ།། འདོད་ཆགས་འདོད་པ་རྟག་ཏུ་སྦྱིན།། འདི་ནི་གསང་བའི་བྱང་ཆུབ་སེམས།། སངས་རྒྱས
79a3 ཉིད་དུ་ཆུད་མི་ཟ།། དེ་ནི་སངས་རྒྱས་དངོས་གྲུབ་ཡིན།། ཀྱེ་སེམས་དཔའ་ཆེན་པོ་ཉོན་ཅིག། དུས་གསུམ་བདེ་གཤེགས་རྨད་བྱུང་མཁྱེན་མངའ་བ།། མགྱོགས་པས་དུས་མཐའ་མེད་པར་གྲོས་ནས་ཀྱང་།། ང་ཡིས་ཆོས
79a4 ཀྱི་དབྱིངས་ལས་གར་མ་ཕྱིན།། ཡོད་མེད་སྟོང་ལས་འདས་པས་ང་ལ་འཐུད།། ཀུན་གྱི་ཡེ་ཤེས་སྐུ་མཆོག་ཡེ་ཤེས་དེ།། མདོངས་པས་རྨོངས་འཁྲུགས་དངོས་ལ་གཏི་མུག་ལ།། འདོད་པའི་སྙིང་ཁྲག་ཆེན་པོ་ཡིན།། ཀུན
79a5 གཞི་གཏན་ནས་ལུང་མཛད་ང་ལ་འཐུད།། ཟད་པའི་དུས་ན་བསྐལ་པའི་མེ་འབར་བ།། མི་བཟད་འཇིགས་གཟུགས་བསམ་ཡས་ང་ལ་འཐུད།། བསྐལ་པའི་ཆུ་ཆེན་རབ་ཏུ་འབྲུབ་པ་འབུམ།། འཇིག་རྟེན་ཁམས་ཀུན
79a6 རབ་ཏུ་འཇིགས་བྱེད་པ།། དེས་ཀྱང་ང་ཡི་ལྗགས་ཀྱི་མཐའ་མ་སྣུམ། ཁྲག་མཚོ་མཐའ་མེད་སྐེམས་ལ་ཕྱག་འཚལ་ང་ལ་འདུད།། རྣམ་པར་འཐོར་རླུང་ཟློག་པའི་རླུང་ཆེན་དང་།། འཇིག་རྟེན་ཁམས་ཀུན་རབ་ཏུ
iiif viewer powered by OpenSeadragon
