| e-texts navigator |
| Wylie |
78b1 སྙིང་པོ་བྱང་ཆུབ་མཆོག་གི་སྐུ། སྐུ་ལོངས་སྤྱོད་རྫོགས་པའི་སྐུའོ།། སེམས་དཔའ་ཆེན་པོ་དེ་བཞིན་གཤེགས་པ་རྣམས་ཀྱི་རང་བཞིན་ནི། རྨད་དུ་བྱུང་བ་འདི་ཉིད་ཡིན་པར་རིག་པར་གྱིས་ཤིག། ཡེ་ནས་ཡོད་ཅིང་རྟག
78b2 པར་བཞུགས།། རང་བྱུང་ཆེ་བ་བདག་ཉིད་སྐུ།། ཡེ་ནས་དག་པ་ཆོས་ཀྱི་སྐུ།། བདག་ཉིད་ཡེ་ནས་ལྷུན་གྱིས་གྲུབ།། འགྱུར་བ་མེད་པ་བསོད་ནམས་སྐུ།། ཡེ་ནས་རྫོགས་པ་སྤྲུལ་པའི་སྐུ།། ལྷུན་གྱིས་རྫོགས་པ
78b3 ལོངས་སྤྱོད་རྫོགས་པའི་སྐུ།། བྱ་བཙལ་མེད་པས་སྙིང་པོ་བྱང་ཆུབ་སྐུ།། སྐུ་གསུང་ཐུགས་བསྟན་པའི་ལེའུ་སྟེ་བཅུ་གཉིས་པའོ།། །། ལེའུ་འདིས་བྱང་ཆུབ་སེམས་ཀྱི་སྤྱོད་པ་དང་། ཕྲིན་ལས་ཁྱད་པར་ཆེན་པོ
78b4 བསྟན་ཏེ། སེམས་དཔའ་ཆེན་པོ། འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་ནི་རྡོ་རྗེ་ཐེག་པ་ཆེན་པོ་ཉིད་དོ།། སྙིང་རྗེ་མེད་པར་གསོད་པ་དང་།། འཇིགས་པ་མེད་པར་སྦྱོར་བ་དང་།། གཙང་སྨེ་མེད་པར་ཟ་བ
78b5 དང་།། རང་གི་ཁུ་བས་རང་མཆོད་པ།། རྡོ་རྗེ་ཐེག་པའི་ཆོས་ཉིད་ཡིན།། སེམས་ཅན་བརྩེ་བ་མེད་པ་དང་།། མ་བྱིན་ལེན་དང་མི་ཚངས་སྤྱོད།། གཞན་ལ་སློང་བར་མི་བྱེད་པ།། འདི་ནི་རྡོ་རྗེ་ཐེག་པའི་དམ་ཚིག
78b6 སྟེ།། འདི་ནི་རང་བྱུང་བྱང་ཆུབ་སེམས།། བདེ་བ་གསལ་བའི་འཁོར་ལོ་ལ།། རྒྱལ་བ་བདག་ཉིད་རྟག་པར་བཞུགས།། རྡོ་རྗེ་ཐེག་པ་གསང་བ་རྨད་དུ་བྱུང་བའོ།། གང་ཞིག་བྱང་ཆུབ་མཆོག་འདོད་པ།། རྟག་ཏུ་བདག
iiif viewer powered by OpenSeadragon
