| e-texts navigator |
| Wylie |
72a1 ཆོས་ཐམས་ཅད་འབྱུང་བའི་ངོ་བོ་ཉིད་དུ་གྱུར་པའོ།། སྤངས་ཀྱང་མི་སྤངས་བཀྲུས་ཀྱང་མི་འདག་པའི་ཆོས་ཉིད་དུ་གྱུར་པ། འདོད་ཆགས་སྤོང་བ་ལ་ཞེ་སྡང་བ་དང་། ཞེ་སྡང་སྤོང་བ་ལ་ཞེ་སྡང་བ་དང་།
72a2 གཏི་མུག་སྤོང་བ་ལ་ཞེ་སྡང་བ་དང་། ང་རྒྱལ་སྤོང་བ་ལ་ཞེ་སྡང་བ་དང་། ཕྲག་དོག་སྤོང་བ་ལ་ཞེ་སྡང་བའོ།། གཏི་མུག་ནི་བདག་ཉིད་ལས་བྱུང་བའི་ཆོས་ཐམས་ཅད་ལ། ལྟ་བ་སོ་སོར་དབྱེར་མེད་པར་ཐུགས་སུ་ཆུད
72a3 དེ། སོ་སོར་ཕྱེ་བའི་དགོངས་པ་མི་མངའ་བས། གཏི་མུག་པ་དང་། ཆོས་ཐམས་ཅད་བདེ་བར་གཤེགས་པའི་ཐུགས་ཉིད་དུ་ཆུད་པས། གསང་བ་མཆོག་གིས་དགྱེས་པ་ན། ཐམས་ཅད་བདག་ཉིད་གཅིག་ཏུ་བཞུགས
72a4 ཏེ། ས་དང་སའི་རིམ་པར་དབྱེ་བའི་དགོངས་པ་མི་མངའ་བས། གཏི་མུག་པ་དང་། སྐུ་གསུང་ཐུགས་ཀྱི་ངོ་བོ་ཉིད་དུ་གཅིག་སྟེ། དབྱེར་མེད་པས་ཐུགས་སུ་ཆུད་དེ། མཉམ་པ་ཉིད་ཀྱི་སྐུར་བཞུགས་པས། མཉམ་པའི
72a5 དོན་ལ་དགོངས་པས་གཏི་མུག་པ་དང་། དེ་བཞིན་གཤེགས་པ་ཐམས་ཅད་དང་། ཆོས་ཐམས་ཅད་བདག་ཉིད་ལས་བྱུང་བས། གཞན་ལས་མ་བྱུང་མ་སྐྱེས་པའི་དོན་ཐུགས་སུ་ཆུད་པས་གཏི་མུག་པ་དང་། བདག་དང
72a6 བདག་གི་སྐུར་གྱུར་པས། དེ་ལས་མ་གཏོགས་པ་གཞན་དུ་གྱུར་པ་དང་། གཞན་དུ་སྐྱེ་བ་དང་། གཞན་དུ་འབྱུང་བ་དང་། གཞན་དུ་འགོག་པ་དང་། གཞན་ལས་སྐྱེས་པ་དང་། གཞན་ལས་བྱུང་བ་དང་། གཞན་དུ་གྱུར
iiif viewer powered by OpenSeadragon
