| e-texts navigator |
| Wylie |
71b1 གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མཐའ་ཡས་མུ་མེད་པ་ཐམས་ཅད་དོན་གཅིག་སྟེ། སྐུ་གསུང་ཐུགས་ལས་མ་གཏོགས་པའི་ཆོས་རྡུལ་ཙམ་ཡང་མེད་ལ། ཆོས་ཐམས་ཅད་ཀྱི་དོན་དབྱེར་མེད་པར་ཐུགས
71b2 སུ་ཆུད་པ་ནི། ཀུན་ཆུབ་པའོ།། སེམས་ཅན་ཐམས་ཅད་སྐུ་གསུང་ཐུགས་སུ་དབྱེར་མེད་པའི་དོན་ལས་གཡོ་བ་མེད་པར་གསལ་བ་ཉིད་ཀྱི་ཏིང་ངེ་འཛིན་ཉིད་དོ།། བྱང་ཆུབ་ཀྱི་སེམས་ཉིད་བསྟན་པའི་ལེའུ་སྟེ་བདུན
71b3 པའོ།། །། ལེའུ་འདིས་བྱང་ཆུབ་སེམས་རྣམ་པར་ཐར་པའི་ལམ་བསྟན་ཏེ། བཅོམ་ལྡན་འདས་རིགས་ལྔའི་སངས་རྒྱས་ལ། རྣམ་པར་ཐར་པའི་ལམ་དུ་མངའ་ཞེས་གསོལ་པ་དང་། སེམས་དཔའ་ཆེན་པོ
71b4 ཉོན་ཅིག་ཅེས་བཀའ་སྩལ་པ། དེ་བཞིན་གཤེགས་པ་ཐམས་ཅད་ལ་རྣམ་པར་ཐར་པའི་ལམ་མ་ནོར་བ་ཆོས་ཉིད་རྣམ་པར་ཐར་པ་ལྔ་ཡོད་དོ།། འདོད་ཆགས་དང་། ཞེ་སྡང་དང་། གཏི་མུག་དང་། ང་རྒྱལ་དང་། ཕྲག
71b5 དོག་གོ། དེ་ལ་འདོད་ཆགས་ནི་བདག་ཉིད་ལས་བྱུང་བའི་ཆོས་ལ། བདག་ཉིད་དུས་དང་རྣམ་པ་མེད་པར་སྤྱོད་པར་འདོད་དོ།། ཆགས་པ་ནི་འདོད་པའི་དབང་དུ་གྱུར་པའོ།། དེ་ལ་བདག་ཉིད་ལས་བྱུང་བའི་ཆོས
71b6 ནི།། གཟུགས་དང་། སྒྲ་དང་། དྲི་དང་། རོ་དང་། རེག་བྱའོ།། དེ་དག་ཇི་ལྟར་འདོད་ཅེ་ན། ཐམས་ཅད་བདག་ཉིད་དུ་གྱུར་པར་འདོད་ཅིང་འདོད་པ་ལ་ཆགས་པའོ།། ཞེ་སྡང་ནི་བདག་ཉིད་ལ་ཡེ་ནས་གསང་བའི
iiif viewer powered by OpenSeadragon
