| e-texts navigator |
| Wylie |
69b1 ཡིས་བྱིན་བརླབས་ཆེན་པོ་པ།། དུས་གསུམ་སངས་རྒྱས་ཐམས་ཅད་དང་།། རྣལ་འབྱོར་ཆེན་པོ་ཀུན་འདུས་ནས།། འོད་ཟེར་མངོན་སུམ་ཉི་བཞིན་ཤར།། སེམས་དཔའ་ཆེན་པོ་སྐལ་བ་བཟང་།། རྣལ་འབྱོར་གང་ཞིག
69b2 འདི་འཆད་པ།། ང་ནི་སེམས་དཔའ་ཉིད་ཀྱི་སྐུ་གསུང་ཐུགས།། དེ་ཉིད་ཡིན་པར་རིག་པར་གྱིས།། དོན་འདི་དག་པའི་རྣལ་འབྱོར་པ།། སངས་རྒྱས་ས་ལ་མི་གནས་ཏེ།། ཐམས་ཅད་ང་ཉིད་ང་ཡི་ཐུགས།། སེམས
69b3 ཅན་ཐམས་ཅད་ང་ལས་བསྐྱེད།། ཅེས་གསུངས་སོ།། ཆེ་བ་བསྟན་པའི་ལེའུ་སྟེ་བཞི་པའོ།། །། ལེའུ་འདིས་གསང་བའི་ཞལ་གྱིས་བཞེས་པ་བསྟན་ཏེ།། སེམས་དཔའ་ཆེན་པོ། ང་བྱེད་པ་པོ་ང་ཉིད་རང་བཞིན
69b4 གྱིས་རྣལ་འབྱོར་དག་ནས། སངས་རྒྱས་མ་བསྐྱེད་པ་མེད་པས། འདུས་བྱས་ཀྱི་ཆོས་ཐམས་ཅད་ཡེ་ནས་མེད་དོ།། དེའི་ཕྱིར་ཆོས་ཐམས་ཅད་ཡེ་ནས་རྣམ་པར་དག་པ་ཉིད་དོ།། ང་ཉིད་ཆོས་ཀྱི་སྐུ་ཡི་རྣལ་འབྱོར་ཡིན
69b5 པས།། ངའི་ཆོས་ཐམས་ཅད་རྣམ་པར་མི་རྟོག་པའོ།། སངས་རྒྱས་ཀུན་ལས་སྔར་སངས་རྒྱས་པའོ།། ནམ་མཁའ་མེད་པའི་སྔོན་རོལ་ན།། ནམ་མཁའི་ཆོས་ཉིད་ཡེ་ནས་མེད།། ང་ལ་ཆགས་མེད་སྔོན་རོལ
69b6 ཅན།། ཆགས་པའི་འདོད་ཆགས་ཡེ་ནས་མེད།། སྲིད་པ་མེད་པའི་སྔོན་རོལ་དུ།། སྲིད་པའི་ཆོས་ཉིད་ཡེ་ནས་མེད།། འབྱུང་བ་མེད་པའི་སྔོན་རོལ་ན།། ཆེན་པོ་ལྔ་ཉིད་ཡེ་ནས་མེད།། སངས་རྒྱས་མེད་པའི་སྔོན་རོལ
iiif viewer powered by OpenSeadragon
