| e-texts navigator |
| Wylie |
69a1 དཔའ་ཆེན་པོ། ཐུགས་ཀྱི་དཀྱིལ་འཁོར་རང་བཞིན་ལས།། ཡེ་ཤེས་རྫོགས་བཞུགས་མེ་ལོང་བཞིན།། ང་ནི་དུས་གསུམ་བཞུགས་པ་ཡི།། སངས་རྒྱས་རྣམས་ཀྱི་ཡེ་ཤེས་ཏེ།། བྱང་ཆུབ་སེམས་ཀྱི་དོན
69a2 རྟོགས་པས།། སངས་རྒྱས་ཀུན་གྱི་ཉིང་ཤ་ཅན།། ང་ནི་སངས་རྒྱས་ཀུན་གྱི་དུར།། དུར་ཁྲོད་ཆེན་པོ་ང་བདག་ཡིན།། སེམས་དཔའ་ཆེན་པོ་ཐམས་ཅད་དང་།། སེམས་ཅན་ཐམས་ཅད་ང་ལས་བྱུང་།། སེམས་ཅན་དུར
69a3 ཉིད་ང་ཡིན་ཏེ།། སྐལ་ལྡན་སེམས་དཔའ་རིག་པར་གྱིས།། སངས་རྒྱས་ཐམས་ཅད་ང་ཡི་ཞིང་།། སེམས་ཅན་ཐམས་ཅད་སྐུ་གསུང་གཏེར།། ཐམས་ཅད་ང་ཡི་ལོངས་སྤྱོད་རྒྱུ།། ཞེས་གསུངས་པའི་ཚིག་ཐོས་པ་དང་།།
69a4 སེམས་དཔའ་སྐལ་ལྡན་ཞལ་མཐོང་བ། རྨད་བྱུང་གསང་བའི་དཀྱིལ་འཁོར། བྱང་ཆུབ་སེམས་ཉིད་བདག་ཡིན་རིག། ཐལ་མོ་སྦྱར་ནས་འདི་སྐད་གསོལ།། དུས་གསུམ་སངས་རྒྱས་ཐམས་ཅད་ཀྱི།། ཐུགས་ཀྱི་ཐུགས
69a5 ཏེ་ཐུགས་ལ་རོལ།། དུས་གསུམ་སངས་རྒྱས་ཐམས་ཅད་ཀྱི།། སྐུ་ཡི་སྐུ་སྟེ་སྐུ་ལ་རོལ།། དུས་གསུམ་སངས་རྒྱས་ཐམས་ཅད་ཀྱི།། གསུང་གི་གསུང་སྟེ་གསུང་ལ་རོལ།། ཞེས་གསོལ་པ་དང་། སེམས་དཔའ་ཆེན་པོ།
69a6 བསྐལ་པ་འབུམ་གྱི་སྔོན་རོལ་དུ།། ང་ཉིད་གཅིག་པུ་སྔོན་དུ་བྱུང་།། བྱུང་བ་བས་ཀྱང་ང་སྔར་བྱུང་།། སངས་རྒྱས་ཀུན་གྱི་སྐུ་གསུང་ཐུགས།། ང་ལས་བྱུང་བ་དེ་ཡི་ཕྱིར།། སེམས་དཔའ་ཆེན་པོའི་ཐུགས་ཉིད་ནི།། ང
iiif viewer powered by OpenSeadragon
