| e-texts navigator |
| Wylie |
68b1 ཡིན་ནོ།། སྐུ་རྨད་དུ་བྱུང་བའི་སྐུའི་དཀྱིལ་འཁོར་གསང་བ་རྨད་དུ་བྱུང་བ་ཉིད་ཡིན་ནོ།། གསུང་རྨད་དུ་བྱུང་བའི་དཀྱིལ་འཁོར་གསང་བ་རྨད་དུ་བྱུང་བ་ཉིད་ཡིན་ནོ།། ཐུགས་རྨད་དུ་བྱུང་བའི་ཐུགས་ཀྱི་དཀྱིལ་འཁོར
68b2 གསང་བ་རྨད་དུ་བྱུང་བ་ཉིད་ཡིན་ནོ།། བྱང་ཆུབ་ཀྱི་སེམས་རྨད་དུ་བྱུང་བའི་ལེའུ་སྟེ་གཉིས་པའོ།། །། ལེའུ་འདིས་ཆོས་ཉིད་བསྟན་པའི་ཕྱིར་སེམས་དཔའ་ཆེན་པོ། བྱང་ཆུབ་འདོད་པ་དེ་ལ་བྱང་ཆུབ
68b3 མེད།། ས་དང་རྣམ་ཐར་བྱང་ཆུབ་མཆོག་ལ་རིང་།། རྒྱུ་འདྲའི་ཆོས་ཉིད་གང་ཡིན་ཤེས་པར་འགྱུར་བ་ཡི།། དེ་ཉིད་བྱང་ཆུབ་སེམས་ཉིད་བདག་ཉིད་ཡིན་པར་ངེས།། བྱང་ཆུབ་སྙིང་པོར་བདག་འཇུག་པས།། ཐོབ་པ
68b4 མེད་ཅིང་སྤང་བའང་མེད།། སངས་རྒྱས་རྣམས་ཀྱི་བྱང་ཆུབ་ནི།། ཐ་སྙད་ཡིན་ཏེ་དོན་དུ་མེད།། ཆོས་ཉིད་མཚན་ཉིད་རྣམ་པར་དག། བདག་མེད་ཆོས་ལས་ཀུན་ཏུ་བྱུང་།། མ་སྐྱེས་པ་ཡི་ཆོས་རྣམས་ལ།། ངོ་བོ་མེད་དེ།
68b5 སྒོམ་པའང་མེད།། ནམ་མཁའི་ཚུལ་དུ་རབ་སྦྱོར་བས།། དངོས་པོ་ཀུན་ཏུ་རབ་ཏུ་གྲགས།། ཆོས་རྣམས་རང་བཞིན་འོད་གསལ་བས།། གདོད་ནས་དག་པས་ནམ་མཁའ་བཞིན།། བྱང་ཆུབ་མེད་ཅིང་སེམས་ཅན
68b6 མེད།། བདག་ཏུ་མེད་པའི་ཆོས་ལས་བྱུང་།། སངས་རྒྱས་བྱང་ཆུབ་རྫོགས་བྱེད་པ།། རྣམ་པར་མི་རྟོག་དམིགས་སུ་མེད།། སྤྲོས་པ་མེད་པའི་ལེའུ་སྟེ་གསུམ་པའོ།། །། ལེའུ་འདིས་ཆེ་བ་བསྟན་ཏེ། སེམས
iiif viewer powered by OpenSeadragon
