| e-texts navigator |
| Wylie |
66b1 མི་ཐོས་སོ།། རྨད་བྱུང་བྱང་ཆུབ་ཡོན་ཏན་འདི།། འཇིག་རྟེན་མགོན་པོས་བཤད་པ་ཡིན།། འདི་ལ་གང་ཞིག་འགལ་བྱེད་པ།། འཇིགས་པ་ཐམས་ཅད་དེ་ལ་འོང་།། མགོ་ནི་ཚལ་པ་བདུན་དུ་འགས།། སྔགས་འཆང
66b2 རྣམས་ཀྱིས་སྤངས་པར་འགྱུར།། རྨད་བྱུང་བྱང་ཆུབ་སེམས་འདི་ནི།། དཔལ་ཆེན་པདྨ་ཧེ་རུ་ཀའི།། སྒྲུབ་པ་གསང་བ་ཐུགས་ཀྱི་མཆོག། ཆོས་ཀྱི་གཏམ་ལ་འཇིགས་མེད་ཅིང་།། ལས་ཀྱིས་གོས་པར་མི་འགྱུར།
66b3 ཏེ།། དཔལ་ཆེན་འཁོར་ཚོགས་མང་པོ་དང་།། སངས་རྒྱས་རྣལ་འབྱོར་ཆེན་པོ་དང་།། འཁོར་ཚོགས་ཡེ་ཤེས་རྣལ་འབྱོར་མ།། འཇིགས་མེད་རྡོ་རྗེ་སེམས་དཔའ་དང་།། སྐལ་ལྡན་རྣམས་ཀྱི་དོན་དུ་གསུངས།། གཞན
66b4 གྱི་དོན་དུ་མ་གསུངས་སོ།། བྱང་ཆུབ་ཀྱི་སེམས་རྨད་དུ་བྱུང་བ་ལས་ཆོས་ཀྱི་གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་འོག་མིན་གྱི་གནས་སྙིང་པོ་བྱང་ཆུབ་ན་བཞུགས་པའི་སྐུ།། རྡོ་རྗེ་སེམས
66b5 དཔའ་ལ་གཟིགས་ནས། ཆོས་རྨད་དུ་བྱུང་བའི་བྱང་ཆུབ་ཀྱི་སེམས་རྨད་དུ་བྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེའི་ཚེ་དུས་གསུམ་གྱི་བདེ་བར་གཤེགས་པ་རྣམས་དང་། སྟོང་གསུམ་གྱི་སྟོང
66b6 ཆེན་པོའི་འཇིག་རྟེན་གྱི་ཁམས་མཐའ་ཡས་མུ་མེད་པ་འདི་དག་ཐམས་ཅད། བདེ་བར་གཤེགས་པ་ཐམས་ཅད་དོན་གཅིག་པ་སྟེ། བདག་ཉིད་བྱང་ཆུབ་ཀྱི་སེམས་རྨད་དུ་བྱུང་བ་ལས་འབྱུང་ཞིང་། དེ་དག་ཐམས་ཅད
iiif viewer powered by OpenSeadragon
