| e-texts navigator |
| Wylie |
5a1 གསལ།། ཇི་ལྟར་སྣང་ཡང་དེ་ལ་གཡོས་པ་མེད་པར་གནས།། དཔེར་ན་རྒྱལ་མཚན་མཐོན་པོ་རྒྱལ་རྟགས་ཡིན་བཞིན་དུ།། ཐེག་མཆོག་འདི་ནི་ཐེག་པའི་སྙིང་པོ་ཡིན།། དཔེར་ན་མྱུ་གུ་མེད་པར་སྡོང་བྱུང
5a2 ཡོད་མེད་བཞིན།། ཡེ་ནས་མེད་པ་མི་སྐྱེ་མི་འབྱུང་བདེ་བའི་ཀློང་།། ཆོས་འདི་མ་མཐོང་བར་ནི་སངས་རྒྱས་ཡོད་མི་འབྱུང་།། དཔེར་ན་མྱུ་གུ་སྡེའུ་ཉིད་འབྲས་བུའི་རང་བཞིན་ལྟར།། མི་སྐྱེ་མི་རྩོལ་བསྒྲུབ་མེད་སྙིང་པོ
5a3 འདི་ཉིད་ནི།། རྒྱལ་བ་རྣམས་ཀྱི་མྱུ་གུ་ཉིད་དེ་སངས་རྒྱས་འབྲས།། བྱ་མེད་ཀློང་ལས་ཉམས་པ་མེད་པ་ཆོ་གའི་མཆོག། གང་ཡང་མི་རྩོལ་དེ་བཞིན་གནས་པ་བསྒོམ་པའི་ཀློང་།། ཡང་དག་ལམ་འདི་བླ་མེད་ལམ
5a4 མཆོག་མཐར་ལམ་ཉིད་ཀྱི་སྐུ།། རྒྱལ་བ་ཉིད་དེ་ཕྱིས་འབྱུང་སྙིང་པོ་ཡོངས་ཀྱིས་མིན།། བཟླས་པ་མི་དགོས་སྐུར་བསྐྱེད་པ་ནི་བྱིས་པའི་ལམ།། གང་ཡང་སྔོན་དུ་སྟོན་པ་མིན་ཏེ་མཐར་ཕྱིན་མེད། ཡེ་ནས་ཕྱག་རྒྱ་སྙིང
5a5 པོ་མཆོག་འདི་རྒྱུ་སྟེ་འབྲས་བུ་ཡིན།། མདོ་སྡེ་འདུལ་བ་མངོན་པ་ཀུན་རྫོགས་ཡེ་ཤེས་རྒྱན།། བསོད་ནམས་ཡེ་ཤེས་ཚོགས་རྫོགས་དྲི་མེད་ཡངས་པའི་ཀློང་།། དྲང་སྲོང་བསྒོམ་འདོད་པ་ཡིས་འདི་མི་མཐོང་།། འདི
5a6 མཐོང་མཉམ་པའི་དོན་ལ་ཞུགས་སྲིད་པ་ན་དེ་ལས་མེད།། རབ་ཏུ་མཐོང་བ་དཀའ་ཕྱིར་ཆུ་བྲན་རྒྱ་མཚོ་ཚོལ་བ་བཞིན།། གཅིག་གི་སྙིང་པོ་འདི་ལ་རྟོག་གིས་ཐེག་པར་ཕྱེད།། ཐེག་པར་ཕྱེ་བ་འདི་ཉིད་ཡིན་ཏེ་འདི
iiif viewer powered by OpenSeadragon
