| e-texts navigator |
| Wylie |
52a1 མྦྷི། @#།། རྒྱ་གར་སྐད་དུ། ཙ་ར་ཤ་ཨཱར་ཟ། བོད་སྐད་དུ། རྗེ་བཙན་དམ་པ། རྟོགས་པའི་ལྷ་ལ་ཕྱག་འཚལ་ལོ།། བྱང་ཆུབ་སེམས་ཀྱི་རྗེ་བཙན་དམ།། སྟོན་པའི་ཐུགས་ལ་བཏོན་ཏེ་བཤད།། སྐྱོན
52a2 གྱིས་བགོར་མེད་གདོད་ནས་དག། མ་བཙལ་བཞག་ན་སྒོམ་པའི་མཆོག། འགྲོ་ཀུན་གནས་པའི་བྱང་ཆུབ་སེམས།། མི་འགྱུར་རྗེ་བཙན་ཆོས་ཀྱི་སྐུ།། ངང་གནས་མི་ནུབ་རྡོ་རྗེའོ།། སྣང་དང་མི་སྣང་གཉིས་མེད
52a3 དེ།། བདེ་ཆེན་ཡོངས་རྟོག་རྗེ་བཙན་སྐུ།། ཡ་མཚན་མཁའ་ལ་རིགས་པའི་ཐུགས།། སྨྲ་བསམ་ཡུལ་ལས་ཤིན་ཏུ་འདས།། དམིགས་མེད་དོན་རྟོགས་ཆོས་ཀྱི་རྗེ།། སྣང་བའི་ཡུལ་ལས་གང་གནས་ཀྱང་།། རྗེ་བཙན་སྐུ
52a4 ལ་གཡོས་པ་མེད།། ཡི་གེ་འབྲུ་ལ་རྟོག་པ་རྣམས།། རྗེ་བཙན་དོན་ལ་ཉམས་ཏེ་དམན།། ཕྱི་ནང་གཉིས་ཀ་བདེ་ཆེན་པོ།། རྗེ་བཙན་རྟོགས་པའི་རང་རིག་སེམས།། འཁོར་བ་མྱང་འདས་གཉིས་མེད་དེ།། ཇི་ལྟར
52a5 བལྟས་པས་བྱང་ཆུབ་སེམས།། ཡེ་སངས་རྒྱས་པས་ཆོས་ཀྱི་སྐུ།། རྗེ་བཙུན་དམ་པ་རྫོགས་སོ།། །། @#།། རྒྱ་གར་སྐད་དུ། སརྦ་ཨ་ཏ། བོད་སྐད་དུ། ཀུན་འདུས། སྤྲོས་མེད་ཆོས་ལས་ཕྱག་འཚལ་ལོ།། སྣ
52a6 ཚོགས་གཅིག་ཏུ་འདུས་པའི་ངང་།། འབྱུང་བ་བཞི་ཉིད་ནམ་མཁར་འདུས།། ནམ་མཁའ་དཔེར་བསྟན་བྱང་ཆུབ་སེམས།། རིག་པ་རང་ལ་རྫོགས་པས་ན།། ཀུན་འདུས་རྒྱལ་པོར་ང་སྨྲས་སོ།། ལྟ་བའི་ཀློང་ཚོགས་ཨ
iiif viewer powered by OpenSeadragon
