| e-texts navigator |
| Wylie |
43a1 མ་རྟོགས་ཤིག། བརྟགས་ན་སྙིང་པོའི་དོན་ལ་སྒྲིབ་པ་ཡིན།། ལུས་ངག་རྩོལ་བ་དང་དུ་མ་ལེན་ཅིག། བླངས་ན་རྩོལ་བའི་ནད་ཀྱིས་གོལ་བ་ཡིན།། གོལ་ས་སྒྲིབ་པ་རང་སར་མ་འཛིན་ཅིག། གང་གིས་རང
43a2 ས་གཟུང་བ་འདི་ཡིས་ནི།། ལྷུན་གྲུབ་སྙིང་པོའི་དོན་ལ་ལ་མི་ཟློས།། ལ་ཟློས་ཆོས་སུ་གསུངས་པ་དེ་ལ་ནི།། བདག་དང་གཞན་དུ་གྲུབ་པ་གཉིས་མེད་པས།། རྩིས་མེད་རྩིས་ལས་འདས་པར་ང་ཡིས་བསྟན།། རང་ལ
43a3 ལྷུན་གྱིས་གྲུབ་པས་བསྒྲུབ་མི་དགོས།། དམིགས་པའི་ཡུལ་ལས་འདས་པས་བསྒོམ་མི་དགོས།། མཚོན་པའི་ཚིག་ལས་འདས་པས་ཤེས་མི་དགོས།། ཡིད་ཀྱིས་བྱས་པས་ཀུན་དང་བྲལ་བས་ན།། གཞུངས་པའི་ཡིད།
43a4 ཀྱིས་དེ་ལ་བསམ་དུ་མེད།། རྒྱུ་མེད་རྐྱེན་ལས་བྱུང་བ་མ་ཡིན་པས།། བསོད་ནམས་ཚོགས་ཀུན་ངེས་པར་བསག་ཏུ་མེད།། ཡེ་ནས་ང་ཡིས་བྱས་པས་ཆོས་ཡིན་པས།། འབྲས་བུ་དུས་ལ་ལྟོས་པའི་རེ་བ་བཅའ་མི
43a5 དགོས།། རིག་སྟོང་རྩ་བ་ཡེ་ནས་མེད་པ་ལ།། ཤི་ནས་སྐྱེ་བའི་དགོངས་བསམ་མ་བྱེད་ཅིག། རང་གི་སེམས་འདི་སྐྱེ་བ་མེད་སེམས་ནས།། ཕ་རོལ་མི་འབྱུང་སྙེམས་སེམས་མ་འཆའ་ཞིག། ཐོས་དང་བསམ་དང
43a6 དགོངས་པའི་ཆོས་རྣམས་ནི།། བྱིས་ཆོས་རྩེད་མོ་ཙམ་དུ་དགོངས་མཛོད་ལ།། དམིགས་མེད་ཕྱོགས་བྲལ་ཕྱོགས་ལས་འདས་པར་མཛོད།། ཕྱོགས་ཆ་བྲལ་བའི་གང་ཟག་སུ་ཡང་རུང་།། འཁོར་བར་མི་གནས་མྱ་ངན
iiif viewer powered by OpenSeadragon
