| e-texts navigator |
| Wylie |
40b1 པར་བྱུང་བ་ཡིན།། དྲི་རྣམས་སྣ་ཚོགས་ཇི་ལྟར་བྱུང་བ་ཡང་།། སྣ་ཡི་དབང་པོ་གཅིག་ལས་མ་འདས་པས།། དབྱེར་མེད་དུས་གསུམ་གཅིག་ཏུ་བསྟན་པ་ཡིན།། མིག་དང་རྣ་བ་སྣ་དང་ལྕེ་ལ་སོགས།། ཐམས་ཅད་ལུས
40b2 ལ་གནས་པས་གནས་སུ་བསྟན།། ལུས་གནས་པ་ལ་ཀུན་ཀྱང་གནས་པ་ལས།། ལུས་མི་གནས་ལ་སུ་ཡང་གནས་པ་མེད།། དེ་བས་ལུས་འདི་གནས་སུ་བསྟན་པ་ཡིན།། ཀྱེ་སེམས་དཔའ་ཆེན་པོ་དེ་དགོངས
40b3 ཤིག། ཐམས་ཅད་རང་ལ་ཡེ་ནས་བཙལ་བས་ན།། སྟོན་པ་གཞན་དུ་རྟོག་པར་མ་བྱེད་ཅིག། གདུང་རྒྱུད་བཟང་ངན་རིགས་རྒྱུད་བཙུན་པ་ལ།། སེམས་དཔའ་རྡོ་རྗེ་ལྟོས་པ་མ་འཇོག་ཅིག། མིག་གིས་མཐོང་བ་སྟོན
40b4 པའི་གཟུགས་མཐོང་ཡིན།། དེ་ལས་ལྷག་པའི་ལུང་ནི་ངས་མ་བསྟན།། དེ་བཞིན་པ་ལ་གཞན་དུ་རྟོག་མ་བྱེད།། དུས་དང་གནས་དང་འཁོར་ལ་སོགས་པ་ཡང་།། གཞན་དུ་མ་རྟོགས་རང་དུ་བསྟན་པར་ཟད།། བདེན
40b5 གཞན་ལ་རྟོག་པར་མ་བྱེད་ཅིག། སྒྲ་ནི་ཇི་བཞིན་མ་ཡིན་བརྗོད་མི་ལང་།། འཁོར་ཡང་བཀྲོལ་བས་མི་ཁྲོལ་དགྲོལ་མི་ལང་།། དད་མོས་བཀུར་སྟི་ཅན་ལ་དམིགས་མ་བྱེད།། དུས་ཀྱང་དུས་བཟང་འདི་ཞེས
40b6 དམིགས་མ་བྱེད།། ཡེ་ནས་དབྱེར་མེད་དུས་སུ་ཚོགས་པ་ཡིན།། གནས་ཀྱང་གླ་གབ་གཞན་ལ་མ་ལྟོས་ཤིག། ཡེ་ནས་གནས་པས་གཞན་གྱི་རང་བཞིན་ཡིན།། དེ་བས་རང་ལ་རྫོགས་པར་བསྟན་པ་ཡིན།། རང་ལ
iiif viewer powered by OpenSeadragon
